హీరో విజయ్ సేఫ్‌.. ఇద్దరు చనిపోయారు

సినిమా స్టంట్లన్నీ స్ర్కీన్ మీద చూడ్డానికి చాలా బాగుంటాయ్ కాని.. నిజానికి మాత్రం వాటిలో చాలా రిస్క్ ఉంటుంది. పోలిసులు చెబుతున్న వివరాల ప్రకారం.. ఎటువంటి జాగ్రత్తలు తీసుకోకుండా షూటింగ్ చేయడం వలన.. ఇప్పుడు ఇద్దరు వర్ధమాన కన్నడ నటులు ప్రాణాలు కోల్పోయారు. లక్కీగా ఆ సినిమా హీరో మాత్రం ఎస్కేప్ అయిపోయాడు.

ప్రముఖ కన్నడ హీరో దునియ విజయ్‌ కథానాయకుడిగా నటిస్తున్న చిత్రం "మాస్తీగుడి' . బెంగళూరుకి 35 కిలోమీటర్ల దూరంలోని తిప్పగొందనహళ్లి రిజర్వాయర్‌లో సోమవారం ఈ సినిమా క్లైమాక్స్‌ షూటింగ్‌ జరుగుతోంది. హీరోతోపాటు ఇద్దరు నటులు ఉదయ్‌, అనిల్‌.. పైన ఉన్న ఒక హెలికాప్టర్ లో నుండి క్రిందనే ఉన్న పెద్ద చెరువులోకి దూకాలి. దూకేసి ఈతకొడుతూ బయటకు వచ్చేయాలి. హెలికాప్టర్‌ నుంచి దూకిన ముగ్గురు నటులూ చెరువులో ఈదుతూ ఉండగా.. హీరో మాత్రం అతి కష్టం మీద ఒడ్డుకు చేరుకుంటే.. మిగతా ఇద్దరు మాత్రం నీటిలో మునిగిపోయి ప్రాణాలు కోల్పోయారు.

ఎలాంటి ముందుజాగ్రత్తలు తీసుకోకుండా ఇంత రిస్కీ షాట్‌ చిత్రీకరించడంపై ఇప్పుడు పోలీసులు కూడా ఆరా తీస్తున్నారు. ఫిలిం యునిట్‌పై పోలీసులు కేసు నమోదుచేశారు.