స్వింగ్ మీదున్న ఇద్దరు కుర్ర హీరోలు.. లీగ్ హీరోల లిస్ట్ లో చేరేదెవరో..!

'ఓ బేబీ' సినిమాలో కీలక పాత్ర పోషించిన తేజ సజ్జా.. 'జాంబీరెడ్డి' చిత్రంతో పూర్తి స్థాయి హీరోగా మారాడు. తెలుగు ప్రేక్షకులకు కొత్త జోనర్ ని పరిచయం చేసిన తేజ.. ఫస్ట్ మూవీతోనే మంచి సక్సెస్ అందుకున్నాడు. దీంతో లిటిల్ మెగాస్టార్ కు బాగానే అవ‌కాశాలు వ‌స్తున్నాయి. ఇటీవలే 'జాంబీరెడ్డి' వంటి చిత్రాన్ని అందించిన ప్రశాంత్ వర్మ తో 'హను-మాన్' అనే సూపర్ హీరో సినిమా ప్రారంభించాడు తేజ.

అలానే ఆర్బీ చౌదరి సమర్పణలో మెగా సూపర్‌ గుడ్‌ ఫిలిమ్స్‌ బ్యానర్ పై చేసిన ''ఇష్క్'' - 'నాట్‌ ఎ లవ్‌స్టోరీ' సినిమా రిలీజ్ కి రెడీగా ఉంది. ఇక శివాని రాజశేఖర్ తో కలసి నటించిన 'వెన్నెల' చిత్రాన్ని కూడా విడుద‌లకి సిద్ధం చేస్తున్నారని తెలుస్తోంది. నేటిత‌రం హీరోలుకి వాల్యూమ్ ఆఫ్ కంటెంట్ ఇంపార్టెంట్. ఆ ప్ర‌కారం చూస్తే తేజ ప్ర‌స్తుతం మంచి ఫామ్ లో ఉన్నాడ‌నే చెప్పాలి.

అయితే తేజ స‌జ్జ‌కి ఇప్పుడు పోటీగా నిల‌బ‌డే కుర్ర హీరోల్లో సంతోష్ శోభ‌న్ ముందు వరుసలో ఉన్నాడు. 'పేపర్ బాయ్' సినిమాతో హీరోగా మారిన సంతోష్.. ఇటీవలే యూవీ క్రియేషన్స్ బ్యానర్ లో 'ఏక్ మినీ కథ' వంటి సూపర్ హిట్ అందుకున్నాడు. ఈ క్రమంలో ఈ నెక్ట్ జ‌నరేష‌న్ హీరో ప్రస్తుతం మూడు - నాలుగు సినిమాలు లైన్ లో పెట్టాడు. ఇప్పటికే 'ప్రేమ్ కుమార్' చిత్రాన్ని 80 శాతానికి పైగా పూర్తి చేశాడు.

ఇదే క్రమంలో మారుతి దర్శకత్వంలో మెహ్రీన్ తో కలిసి ఓ ప్రాజెక్ట్ చేస్తున్నాడు శోభన్. దీనికి 'మంచి రోజులు వచ్చాయి' అనే టైటిల్ పరిశీలనలో ఉంది. ఫుల్ ఫామ్ లో ఉన్న సంతోష్ హీరోగా డైరెక్టర్ నందిని రెడ్డి ఓ సినిమా చేయడానికి సన్నాహాలు చేస్తున్నారని టాక్. ఇలా ఇద్దరు కుర్ర హీరోలు తేజ సజ్జా - సంతోష్ శోభన్ ఫుల్ స్వింగ్ లో ఉన్నారని చెప్పాలి. మరి వీరిద్ద‌రిలో ఎవ‌రూ ముందుగా మినిమ‌మ్ బాక్సాఫీస్ రికార్డులు అందుకుని లీగ్ హీరోల లిస్ట్ లోకి చేర‌తారో చూడాలి.