ట్రైల‌ర్ టాక్: పెద్దింటిని న‌డిపించే పెద్ద‌మ్మ‌లా జ్యోతిక..?

కెరీర్ లో ఎన్నో విల‌క్ష‌ణ‌మైన పాత్ర‌ల్లో న‌టించి మెప్పించిన జ్యోతిక హీరో సూర్య‌ను ప్రేమించి పెళ్లాడిన సంగ‌తి తెలిసిందే. ఇద్ద‌రు కిడ్స్ కి త‌ల్లిదండ్రులు ఆ ఇద్దరూ. 2డి ఎంట‌ర్ టైన్ మెంట్స్ బ్యాన‌ర్ లో వ‌రుసగా సినిమాల‌ను నిర్మిస్తున్న సూర్య‌.. జ్యోతిక‌తో సినిమాలు చేసేందుకు ప్ర‌ణాళిక‌ల్ని సిద్ధం చేసుకున్న సంగ‌తి తెలిసిందే.

సెకండ్ ఇన్నింగ్స్‌లో ఎక్కువ లేడీ ఓరియంటెండ్ స్క్రిప్ట్స్ సెలెక్ట్ చేసుకుంటూ వ‌రుస విజ‌యాల్ని అందుకుంటున్న‌ జ్యోతిక కెరీర్ ప‌రంగా ఓ మెట్టు పైనే ఉన్నారు. 36 వయదినిలే... మగలిర్ మట్టుమ్... రాచ్చసి.. జాక్ పాట్ వంటి సినిమాలతో విజ‌యాలు అందుకున్నారు. నటిగా జ్యోతిక 50వ సినిమా టాక్ ఆఫ్ ది ఇండస్ట్రీ గా మారింది.

2డి ఎంటర్‌టైన్‌మెంట్ లో నిర్మించిన తాజా చిత్రం `ఉడన్ పిరప్పు` తెలుగులో `రక్తసంబంధం` అనే టైటిల్ తో విడుద‌ల‌కు సిద్ధ‌మ‌వుతోంది.దర్శకన‌టుడు శశి కుమార్ కథానాయకుడిగా జ్యోతిక ఆయన సోదరిగా నటించారు. సముద్రఖని కీలక పాత్రలో న‌టించారు. తాజాగా రిలీజైన ట్రైల‌ర్ లో జ్యోతిక కాస్త ఏజ్డ్ ప‌ర్స‌న్ గా క‌నిపిస్తోంది. గ్రామీణ వాతావ‌ర‌ణం లో సాగే ఆహ్లాద‌క‌ర‌మైన చిత్రంలో యాక్ష‌న్ కి కొద‌వేమీ ఉండ‌ద‌ని కొన్ని స‌న్నివేశాలు వెల్ల‌డిస్తున్నాయి. ఆర్.వేల్ రాజ్ విజువల్స్- డి.ఇమాన్ నేపథ్య సంగీతం ఆక‌ట్టుకుంటున్నాయి.దసరా కానుకగా అక్టోబర్ 14 నుంచి `ఉడన్ పిరప్పు` అమెజాన్ ప్రైమ్ లో స్ట్రీమింగ్ కానుంది. తెలుగు వెర్ష‌న్ కూడా అందుబాటులో ఉండ‌నుంది. ఇటీవ‌ల వ‌రుస‌గా నెట్ ఫ్లిక్స్.. అమెజాన్ ప్రైమ్ వంటి వాటితో సినిమాలు తీసేందుకు సూర్య ఒప్పందాలు చేసుకున్న సంగ‌తి తెలిసిందే.