యాంక‌ర్ ఉద‌య‌భాను బెంజ్ ఓన‌ర్

హీరోలు బెంజ్ కార్ కొన‌డం రొటీన్. టాలీవుడ్ లో యాంక‌ర్లు.. సింగ‌ర్లు.. అసిస్టెంట్లు బెంజ్ కార్ల‌లో హ‌ల్ చ‌ల్ చేయ‌డం సంథింగ్ ఇంట్రెస్టింగ్. ఖ‌రీదైన‌ బెంజ్ సెల‌బ్‌ స్టాట‌స్ కి సింబ‌ల్. అందుకే ఆ కార్ కొనేందుకు త‌హ‌త‌హ‌లాడుతుంటారు. ఇటీవ‌లే ప్ర‌ముఖ బుల్లితెర యాంక‌ర్ యాంకర్ మంజుషా.. హీరో సుందీప్ కిషన్ అసిస్టెంట్ మెర్సిడెస్ బెంజ్ హైక్లాస్ కార్లను కొనుగోలు చేశారు. ఇక బిగ్ బాస్ సీజ‌న్ 3 విజేత .. గాయ‌కుడు రాహుల్ సైతం బెంజ్ కార్ కొనుక్కుని ఆ ఫోటోల్ని అభిమానుల‌కు షేర్ చేయ‌డంతో అవి వైర‌ల్ అయ్యాయి.

తాజాగా సీనియ‌ర్ యాంక‌ర్ ఉద‌య‌భాను బెంజ్ కార్ ను సొంతం చేసుకున్నారు. స‌రికొత్త బెంజ్ తో ఉదయ భాను త‌న భ‌ర్త విజ‌య్ - కవల కుమార్తెలు భూమి ఆరాధ్య- యువి నక్షత్రల‌తో క‌లిసి ఉన్న ఫోటో వైర‌ల్ గా మారింది. భర్త విజయ్ కారు డెలివరీ తీసుకుని డ్రైవ్ చేశారు. సెప్టెంబర్ 2016 న‌ కవలల‌కు జ‌న్మ‌నిచ్చిన అనంత‌రం ఉద‌య‌భాను కెరీర్ ప‌రంగా లాంగ్ గ్యాప్ తీసుకున్నారు. ఇటీవ‌లే తిరిగి బుల్లితెర‌పైకి రీఎంట్రీ ఇచ్చారు.

ప్ర‌స్తుతం కెరీర్ ప‌రంగా ఉద‌య‌భాను ఫుల్ బిజీ అయిపోతున్నారు. రియాలిటీ గేమ్ షో `కళ్యాణ లక్ష్మి`కి హోస్ట్ గా కొన‌సాగుతున్న ఉద‌య‌భాను.. శ్రీముఖి హోస్ట్ చేస్తున్న‌ కామెడీ షో `జూలకటక`కు జడ్జిగానూ కొన‌సాగుతున్నారు. మ‌రిన్ని బుల్లితెర ఒప్పందాలు కుదుర్చుకున్నార‌ని తెలుస్తోంది.