ట్రైలర్‌ టాక్ః మొత్తం డ్రగ్స్‌ అంటగా..

ఇప్పటివరకు బాలీవుడ్‌ లో రాని టాపిక్‌ అంటూ లేదు. అయితే కొంతమంది హీరోలు మాత్రం.. హిట్టు కోసం పర్టిక్యులర్‌ గా డార్క్ కామెడీ మీదనే ఆధారపడతుంటారు. ఇప్పుడు షాహిద్‌ కపూర్‌ కూడా అంతే. ఎన్ని సినిమాలు చేసినా పెర్ఫామెన్సును పొగడుతున్నారే కాని.. హిట్టు మాత్రం ఇవ్వట్లేదు ప్రేక్షకులు. అందుకే ''ఉడ్తా పంజాబ్‌'' సినిమాతో రూటు మార్చాడు.

అభిషేక్‌ చౌబే దర్శకత్వంలో రూపొందిన ఈ సినిమా ట్రైలర్‌ ఇప్పుడు టాక్‌ ఆఫ్‌ ది టౌన్‌. సినిమాలో షాహిద్‌ కపూర్‌ ఒక రాక్‌ స్టార్‌. అయితే మనోడు డ్రగ్స్‌ కు ఫుల్‌ గా ఎడిక్ట్‌ అయిపోతాడు. ఇకపోతే పొలాల్లో పని పిల్లగా చేసే ఆలియా భట్‌ కూడా.. డ్రగ్స్‌ సప్లయ్‌ చేసి ఎక్కువ డబ్బులు సంపాదించవచ్చు అనుకుంటుంది. వృత్తి రిత్యా డాక్టర్‌ అయిన కరీనా కపూర్‌.. డ్రగ్స్‌ దందా జరుగుతోంది అంటూ రీసెర్చి చేస్తూ పోలీసులు దృష్టికి తెస్తుంది. కరీనాకు పెయిర్ గా నటించిన దిల్జిత్‌ దొసాంజ్‌.. సినిమాలో ఒక పోలీస్‌ ఇన్సపెక్టర్‌. ఇక వీళ్లందరూ పంజాబ్‌ లో ఎలాంటి రచ్చ చేస్తున్నారనేదే సినిమా. డైలాగులు మొత్తం బూతులే. ఆలియా కూడా బాగానే బూతులు వాడింది. డ్రగ్స్‌ చుట్టూ తిరిగే సినిమా కాబట్టి ఇలా రచ్చ రచ్చ చేశాడట దర్శకుడు.

హైదర్‌ తో పేరొచ్చినా.. షాందార్‌ తో ఫ్లాపొచ్చినా.. ఉడ్తా పంజాబ్‌ తో మాత్రం కమర్షియల్‌ గా హిట్టు కొట్టేస్తా అంటున్నాడు. చూద్దాం మరి.