ఉగ్రం ఫస్ట్ లుక్.. కత్తిపోటుతో అల్లరి నరేష్

వరుస అపజయాలతో కాస్త సతమతమవుతున్న సీనియర్ కామెడీ హీరో అల్లరి నరేష్ చివరిగా 2021 లో వచ్చిన నాంది సినిమాతో మంచి సక్సెస్ అందుకున్న విషయం తెలిసిందే. హరి శంకర్ శిష్యుడు విజయ్ కనకమెడల దర్శకత్వంలో వచ్చిన ఆ సినిమా బాక్సాఫీస్ వద్ద మంచి కలెక్షన్స్ అందుకుంది. కరోనా కష్టకాలంలో అలా ఆ విధంగా సినిమా హిట్ అవ్వడం అల్లరి నరేష్ కు మంచి బూస్ట్ ఇచ్చింది అని చెప్పవచ్చు.

అయితే మళ్లీ విజయ కనకమేడలా తోనే నరేష్ మరో విభిన్నమైన సినిమా చేసేందుకు రెడీ అయ్యాడు. ఈరోజు, టైటిల్‌ను రివీల్ చేయడంతో పాటు, మేకర్స్ ఫస్ట్ లుక్ పోస్టర్‌ను కూడా ఆవిష్కరించారు. న్యూ ఏజ్ యాక్షన్ థ్రిల్లర్ గా ఉండే ఈ చిత్రానికి ఉగ్రం అనే పవర్ ఫుల్ టైటిల్ ఖరారు చేశారు. ఫస్ట్ లుక్ పోస్టర్‌లో అల్లరి నరేష్ ఆవేశంతో అరుస్తున్నాడు. ఇక అతని వెనుక భాగంలో కత్తిపోట్లు శరీరమంతా గాయాలు ఉన్నాయి.

పోస్టర్ సినిమా ఉగ్రం టైటిల్‌ను సమర్థిస్తుంది. విశేషమేమిటంటే, టైటిల్ రెడ్ కలర్‌తో డిజైన్ చేయబడింది. కృష్ణార్జున యుద్ధం, మజిలీ, గాలి సంపత్ మరియు టక్ జగదీష్ వంటి అనేక ఆసక్తికరమైన ప్రాజెక్ట్‌లను రూపొందించిన షైన్ స్క్రీన్స్‌పై సాహు గారపాటి, హరీష్ పెద్ది బ్యానర్‌లో ప్రొడక్షన్ నంబర్ 5 గా ఈ చిత్రాన్ని నిర్మించనున్నారు.

ఇక తొలి సినిమాతో తన సత్తా ఏంటో నిరూపించుకున్న విజయ్ కనకమేడల తన రెండో సినిమా అల్లరి నరేష్‌ని విభిన్నమైన పాత్రలో ప్రెజెంట్ చేయడానికి ఘాటైన కథను సిద్ధం చేసుకోవడం విశేషం. ఉగ్రం ఈరోజు గ్రాండ్ లాంచింగ్ వేడుకను నిర్వహించనుంది. ఇక సిమిమా రెగ్యులర్ త్వరలో ప్రారంభం కానుంది.

ఈ సినిమాలో కొందరు ప్రముఖ నటీనటులు కీలక పాత్రలో కనిపించనున్నారు. టెక్నికల్ డిపార్ట్‌మెంట్ విషయానికి వస్తే, తూమ్ వెంకట్ కథను అందించగా, అబ్బూరి రవి డైలాగ్స్ రాశారు. శ్రీచరణ్ పాకాల సంగీతం అందిస్తుండగా, సిద్ సినిమాటోగ్రఫీ బాధ్యతలు నిర్వర్తించనున్నారు.

ఛోటా కె ప్రసాద్ ఎడిట్ చేయనున్న ఈ చిత్రానికి బ్రహ్మ కడలి ప్రొడక్షన్ డిజైనర్ గా వర్క్ చేస్తున్నారు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలు త్వరలో వెల్లడి కానున్నాయి.