'బిగ్ బాస్ 5' ఎలిమినేషన్: హౌస్ నుంచి 'కార్తీక దీపం' భాగ్యం ఔట్..!

'బిగ్ బాస్' తెలుగు సీజన్-5 ప్రారంభం నుంచే ప్రేక్షకులకు అసలైన వినోదాన్ని అందిస్తోంది. కంటెస్టెంట్స్ ని చూసి పెదవి విరిచిన ఆడియన్స్.. హౌస్ లో వీళ్ల ప్రవర్తన చూసి షో కు అలవాటు పడిపోయారు. ఈ క్రమంలో మంచి రేటింగ్ తో రెండు వారాలు పూర్తి చేసుకుంది. ఇక ఫస్ట్ వీక్ ఎలిమినేషన్స్ లో అనూహ్యంగా సరయు ను బయటకు పంపించారు. ఇప్పుడు సెకండ్ వీక్ లో 'కార్తీక దీపం' ఫేమ్ ఉమాదేవి ఎలిమినేట్ అయినట్లు తెలుస్తోంది.

'బిగ్ బాస్-5' రెండో వారం ఎలిమినేషన్స్ లో ఉమాదేవి - యానీ మాస్టర్ - నటరాజ్ - ప్రియాంక సింగ్ - ప్రియ - ఆర్జే కాజల్ - లోబోలు నామినేట్ అయ్యారు. అయితే వీరిలో ఉమా దేవిని ఇంటి నుండి బయటకు పంపాలని బిగ్ బాస్ నిర్వాహకులు నిర్ణయించుకున్నారట. నిజానికి షో స్టార్టింగ్ నుంచి ఉమ చాలా అగ్రిసివ్ గా ఉంటూ వచ్చింది. ఈ క్రమంలో హౌస్ లో కొన్ని సందర్భాల్లో బూతులు - అభ్యంతరకరమైన భాషను ఉపయోగించారు. ఇవే ప్రేక్షకులకు ఇబ్బందిగా అనిపించి ఆమెకు ఇబ్బందులు తెచ్చిపెట్టాయి.

'బిగ్ బాస్' ప్రోమోలు చూసి ఈసారి ఉమా దేవికి హోస్ట్ కింగ్ అక్కినేని నాగార్జున స్ట్రాంగ్ వార్నింగ్ ఇస్తాడని అందరూ ఫిక్స్ అయ్యారు. అయితే అనూహ్యంగా ఉమ షో నుంచే ఎలిమినేట్ అయ్యే పరిస్థితి ఏర్పడింది. సోషల్ మీడియాలో పబ్లిక్ ఒపీనియన్ తెలుసుకోడానికి నిర్వహించే పలు పోల్స్ లో కూడా ఉమ ఎలిమినేట్ కాబోతున్నారనే విధంగా రిజల్ట్స్ వచ్చాయి. గత రెండు మూడు రోజులుగా ఉమాదేవి మంచి పెర్ఫామెన్స్ ఇచ్చినప్పటికీ.. జరగాల్సిన నష్టం జరిగిపోయిందని అంటున్నారు. 'కార్తీకదీపం' ఫ్యాన్స్ సపోర్ట్ ఉన్నప్పటికీ ఉమాదేవికి ఈవారం ఎలిమినేషన్ గండం తప్ప లేదని అర్థం అవుతోంది. 'బిగ్ బాస్' వేదికపై మిగతా కంటెస్టెంట్స్ గురించి ఉమాదేవి ఏమి చెబుతారో చూడాలి.