ఈ ట్రైలర్ ముందే రిలీజ్ చేయాల్సింది!

ఓనమాలు - మళ్లీ మళ్లీ ఇది రాని రోజు వంటి సినిమాలతో ప్రేక్షకుల్ని మెప్పించిన క్రాంతి మాధవ్ - కామెడీ హీరో సునీల్ తో సినిమా చేస్తున్నాడని టాక్ వచ్చినప్పటి నుంచి ఉంగరాల రాంబాబు ఓ వినూత్నమైన ప్రాజెక్ట్ అనే ప్రచారం జోరుగా సాగింది. అయితే ఈ సినిమా టీమ్ థియేట్రికల్ ట్రైలర్ ని విడుదల చేసిన తరువాత రెగ్యూలర్ సునీల్ ఫార్మాట్ లో ఉంగరాల రాంబాబు కూడా తెరకెక్కిందని అంతా భావించారు. గతంలో సునీల్ నుంచి వచ్చిన మాస్ మసాల సినిమాల సరసనే ఉంగరాల రాంబాబుని కూడా చేర్చేసారు.

దీంతో సినిమా ట్రాక్ తప్పుతుందనే నిర్ణయానికి వచ్చిన క్రాంతి తనదైన స్టైల్ లో కొత్త ట్రైలర్ రెడీ చేసి విడుదల చేశాడు. దీంతో ఒక్కసారిగా ఈ మూవీలో ఏదో విషయం ఉందనే ఫీల్ సినీ జనాల్లో కలిగింది. తన సినిమాలకి ప్లస్ పాయింట్స్ గా నిలిచే మనసుకు హత్తుకునే డైలాగ్స్ ని ట్రైలర్ లో నింపేశాడు క్రాంతి. మొత్తానికి ట్రైలర్ చూస్తుంటే ఉంగరాల రాంబాబు కేవలం నవ్వించడమే కాదు కొంచెం ఆలోచించేలా ఏదో సందేశాన్ని కూడా ఇస్తాడనే విషయం అర్ధంమవుతోంది. చూద్దాం ఏం జరుగుతుందో!