పిక్‌ టాక్ : రాజ్ కుమార్‌ అండ్ సన్స్ తో యూనివర్శిల్ స్టార్‌

కన్నడ సూపర్‌ స్టార్ పునీత్ రాజ్ కుమార్ జ్ఞాపకాల నుండి అభిమానులు మరియు సన్నిహితులు బయట పడలేక పోతున్నారు. చనిపోయి రోజులు గడుస్తున్నా కూడా బెంగళూరు లోని ఆయన సమాధి వద్దకు జనాల క్యూ మాత్రం కంటిన్యూ అవుతూనే ఉంది. పెద్ద ఎత్తున సోషల్‌ మీడియాలో మరియు ఇతర మీడియాల్లో కూడా పునీత్‌ కు సంబంధించిన జ్ఞాపకాలను నెమరవేసుకుంటూనే ఉన్నారు. అభిమానులు మరియు ఇండస్ట్రీ వర్గాల వారు మరియు ఆయన సన్నిహితులు ప్రతి ఒక్కరు కూడా పునీత్‌ రాజ్ కుమార్ తో తమకు ఉన్న అనుబంధం మరియు స్నేహంను గురించి తెలియజేస్తూ విషయాలను షేర్‌ చేయడంతో పాటు అరుదైన ఫొటోలను షేర్ చేస్తూ అందరి దృష్టిని ఆకర్షిస్తున్నారను.

తాజాగా సోషల్‌ మీడియాలో ఈ ఫొటో తెగ వైరల్‌ అవుతోంది. యూనివర్శిల్ స్టార్‌ కమల్‌ హాసన్ ను ఈ ఫొటోలో చూడవచ్చు. కమల్‌ హాసన్ చాలా ఏళ్ల క్రితం లెజెండ్రీ రాజ్ కుమార్ తో సన్నిహిత సంబంధాలను కలిగి ఉండేవారు. ఆ సమయంలోనే రాజ్ కుమార్‌ ముగ్గురు కొడుకులు అయిన శివ రాజ్ కుమార్.. రాఘవేంద్ర రాజ్ కుమార్ మరియు పునీత్‌ రాజ్ కుమార్‌ లతో ఇలా ఫొటో దిగాడు. కమల్ హాసన్ గెటప్ చూస్తుంటే క్షత్రీయ పుత్రుడు సినిమా షూటింగ్‌ సమయంలో ఈ ఫొటో తీసుకున్నట్లుగా తెలుస్తోంది. రాజ్ కుమార్‌ అంటే కమల్‌ హాసన్‌ కు చాలా అభిమానం మరియు గౌరవం ఉండేది. ఆయన పట్ల చాలా అభిమానంను కమల్‌ చూపించే వారు. ఆయన కొడుకులపై కూడా కమల్‌ హాసన్ ఇప్పటికి కూడా అభిమానంను కలిగి ఉన్నాడు అనేది కోలీవుడ్‌ వర్గాల టాక్‌.

ఈ అరుదైన ఫొటో ఒక్కసారిగా పునీత్‌ రాజ్ కుమార్‌ ను మళ్లీ జనాలకు గుర్తు చేసింది అనడంలో సందేహం లేదు. చాలా చిన్న వయసు కుర్రాడిగా పునీత్‌ కనిపిస్తున్నాడు. సింపుల్‌ గా ఏమాత్రం గర్వం కనిపించకుండా నీట్ డ్రస్సింగ్‌ తో పునీత్ ను ఈ ఫొటోలో చూడవచ్చు. చిన్నప్పుడు మాత్రమే కాకుండా చనిపోయే ముందు వరకు కూడా పునీత్‌ రాజ్ కుమార్‌ సింపుల్ అండ్ స్వీట్‌ పర్సన్ అంటూ అంతా కూడా అభిమానం వ్యక్తం చేస్తూనే ఉండేవారు. ఈ వింటేజ్ ఫొటో ను మీరు ఒక లుక్కేసి లెజెండ్స్ గా గుర్తింపు దక్కించుకున్న వారు అప్పుడు ఎలా ఉన్నారో చూడండి.