అందాల నటి న‌గ్మా గురించి ఎవరికి తెలియని నిజాలు...!

అలనాటి అందాల నటి న‌గ్మా గురించి సినీ ప్రేక్షకులకు ప్ర‌త్యేకంగా ప‌రిచ‌యం చేయాల్సిన అవసరం లేదు. నగ్మా పేరు చెబితేనే 90ల కాలంలో తెలుగు ప్రేక్షకులు పులకించిపోయేవారు. ఆకట్టుకునే ఆమె అందం.. అంతకుమించిన అభినయంతో ప్రేక్షకులను కట్టిపడేసేది. తెలుగులో స్టార్ హీరోలైన చిరంజీవి, నాగార్జున, బాలకృష్ణ, వెంకటేష్‌ లతో నటించి మెప్పించింది. తెలుగులో నగ్మా నటించిన 'కిల్లర్' 'అల్లరి అల్లుడు' 'ఘరానా మొగుడు' 'వారసుడు' 'మేజర్ చంద్రకాంత్' 'భాషా' 'ప్రేమికుడు' లాంటి చిత్రాలు అప్పట్లో ఘన విజయం సాధించాయి. అప్పట్లో అరేబియన్ గుర్రం వంటి నగ్మా కోసమే ప్రేక్షకులు థియేటర్లకు క్యూ కట్టేవారు. తెలుగులో చివరగా ఆమె యంగ్ టైగర్ ఎన్టీఆర్‌ హీరోగా నటించిన ‘అల్లరి రాముడు’ సినిమాలో అత్తగా నటించి అలరించింది. సినిమాలతోనే కాకుండా ఎఫైర్ వార్తలతోను నగ్మా ఫేమస్ అయింది. ఇండియ‌న్ క్రికెట్ టీమ్ మాజీ కెప్టెన్ సౌర‌వ్ గంగూలీతో నగ్మా రిలేష‌న్ షిప్‌ లో ఉన్నట్లు అప్పట్లో పుకార్లు షికారు చేసాయి. అంతేకాకుండా శరత్ కుమార్ రవి కిషన్ తో కూడా ఆమె ప్రేమాయణం సాగించినట్లు అప్పట్లో రూమర్స్ వచ్చాయి.

నగ్మా ఫ్యామిలీ విషయానికొస్తే ఆమె కుటుంబం జైసల్మేర్ రాజరికం నేపథ్యం గల పూర్వికులకు చెందినవారు. నగ్మా జీవితంలో అనేక ఒడిదుడుకులు ఎదుర్కొని స్టార్ హీరోయిన్ గా ఎదిగింది. కాగా నగ్మా ని హీరోయిన్ ని చేయడం కోసం తనకు పన్నెండేళ్ల వయసులో ఆమె శరీరంలోకి హార్మోన్స్ ఎక్కించడం జరిగిందని అప్పట్లో వార్తలు వచ్చాయి. వీటి మూలంగా నగ్మా శరీరంలో అనేక మార్పులు చోటు చేసుకొని సినిమాలకు సరిపోయే విధంగా ఆమెను తయారైందని అప్పట్లో అనుకునేవారు. బాలీవుడ్ లో హీరోయిన్ గా ఎంట్రీ ఇచ్చిన నగ్మా అనతి కాలంలోనే స్టార్ హీరోయిన్ గా ఎదిగింది. తెలుగుతో పాటు త‌మిళ్, హిందీ, భోజ్ పురి, మలయాళం, కన్నడ, బెంగాలీ, మరాఠీ, పంజాబీ సినీ ఇండ‌స్ట్రీల‌లో కొన్నేళ్ల పాటు స్టార్ హీరోయిన్ గా వెలుగొందింది. అయితే నగ్మా మాత్రం వివాహం చేసుకుకోకుండా ఉండిపోయింది. కాగా నగ్మా తెలుగు తెర పై కనిపించక దాదాపు 11 ఏళ్లు దాటి పోయింది. 2009 తర్వాత ఆమె ఏ భాషలోనూ సినిమాలు చేయలేదు. సినిమాలకు దూరంగా ఉన్న నగ్మా కాంగ్రెస్ పార్టీ లో జాయిన్ అయింది. ప్రస్తుతం న‌గ్మా రాజకీయాలు, సామాజిక సేవా కార్యక్రమాల్లో బిజీగా ఉంటూ వస్తోంది.