ఆర్ ఆర్ ఆర్ లో ఊహించని బ్లాకులు

రాజమౌళి తెరకెక్కిస్తున్న క్రేజీ మల్టీ స్టారర్ ఆర్ ఆర్ ఆర్ గురించి అఫీషియల్ అప్ డేట్స్ రావడం లేదు కాని లీకైన న్యూసే మహా ఎగ్జైట్ మెంట్ కలిగిస్తున్నాయి. అనూహ్యంగా రెండు నెలలు బ్రేక్ పొందిన టీం ఇప్పుడు డే అండ్ నైట్ కష్టపడుతోంది. ఇద్దరు హీరోలు తమ తమ గాయాలతో పూర్తిగా కోలుకోవడంతో షూటింగ్ నాన్ స్టాప్ గా జరగనుంది. హైదరాబాద్ లోనే అల్యూమినియం ఫ్యాక్టరీ వేసిన సెట్ లో చాలా కీలకమైన సన్నివేశాలను చిత్రీకరిస్తున్న జక్కన్న ఏకంగా ఈ ఎపిసోడ్స్ కోసం 1500 జూనియర్ ఆర్టిస్టులను వినియోగిస్తున్నాడు.

ప్రస్తుతం జూనియర్ ఎన్టీఆర్ ఒక్కడే వీటిలో పాల్గొంటున్నప్పటికి అతి త్వరలో రామ్ చరణ్ కూడా జాయిన్ అవుతాడు. ఇది ఫినిష్ కాగానే టీం మొత్తం అహ్మదాబాద్ షెడ్యూల్ కు వెళ్ళిపోతుంది. దాని కన్నా ముందు ఓ ప్రెస్ మీట్ ఉండే అవకాశాలు ఉన్నాయి. ఇప్పుడు షూట్ చేస్తున్న సీన్స్ ప్రీ ఇంటర్వెల్ కు ముందు వస్తాయని తెలుస్తోంది. ఇద్దరు హీరోల విడివిడి ఇంట్రోలతో పాటు వీటికే భారీ ఎత్తున ఖర్చు పెట్టినట్టు సమాచారం. ఎంత మొత్తం అనేది బయట పెట్టడం లేదు కాని హై లైట్ గా నిలవబోయే ఈ సన్నివేశాలు మాత్రం ఓ రేంజ్ లో గూస్ బంప్స్ ఇస్తాయని తెలిసింది.

అజయ్ దేవగన్ ఓ కీలక పాత్రలో రామ్ చరణ్ సరసన అలియా భట్ నటిస్తున్న ఆర్ ఆర్ ఆర్ లో జూనియర్ ఎన్టీఆర్ జోడి సస్పెన్స్ మాత్రం ఇంకా కొనసాగుతూనే ఉంది. రేపు ఎల్లుండో అని ఎదురు చూసే కొద్ది కాలయాపన జరుగుతూనే ఉంది. యంగ్ టైగర్ ఫాన్స్ ఇంకొంత వెయిట్ చేయక తప్పేలా లేదు. వచ్చే ఏడాది జూలై 30న విడుదల కానున్న ఆర్ ఆర్ ఆర్ కు కీరవాణి ఇప్పటికే ట్యూన్స్ కంపోజింగ్ మొదలుపెట్టేశారు