అన్‌స్టాపబుల్ 2.. బాబుగారు వచ్చేస్తున్నారహో..

నందమూరి బాలకృష్ణ మొదటిసారి హోస్ట్ గా మొదలుపెట్టిన అన్ స్టాపబుల్ షో ఫస్ట్ సీజన్ ఎలాంటి రిజల్ట్ అందుకుందో ప్రత్యేకంగా చెప్పనవసరం లేదు. ఇక ఇప్పుడు సెకండ్ సీజన్ మొదలుపెట్టడానికి నిర్వాహకులు కూడా సిద్ధమైపోయారు. ఆహా ఓటీటీ ప్లాట్ ఫారామ్ లో మొదలు కాబోయే సెకండ్ సీజన్ ప్రోమో కూడా ఇటీవల విడుదలయ్యింది. అంతేకాకుండా స్పెషల్ రాప్ సాంగ్ కూడా విడుదల చేశారు.

మొత్తానికి బాలయ్య బాబు సెకండ్ సీజన్ తో కూడా సరికొత్త వండర్ క్రియేట్ చేయబోతున్నట్లుగా అర్థమవుతుంది. సెకండ్ సీజన్లో కూడా నెవర్ బిఫోర్ అనెల కాంబినేషన్స్ సెట్ చేయబోతున్నట్లు సమాచారం. ముఖ్యంగా అగ్ర హీరోలు దర్శకులు కూడా ఈ సీజన్ లో పాల్గొనబోతున్నట్లు సమాచారం.

అయితే ఇంతకుముందు అనుకున్నట్లే ఈ షోలోకి బాలయ్య బంధువులు కూడా రాబోతున్నట్లు అర్థమవుతుంది.

నందమూరి అల్లుడు, తెలుగుదేశం పార్టీ ప్రస్తుత అధినేత, బాలయ్య బాబు వియ్యంకుడు నారా చంద్రబాబు నాయుడు కూడా అన్‌స్టాపబుల్ సెకండ్ సీజన్ కు గెస్ట్ గా రాబోతున్నట్లుగా తెలుస్తోంది. అయితే ఆయన ఎప్పుడు వస్తారు అనేది ఇంకా కన్ఫామ్ కాలేదు కానీ తప్పకుండా మాత్రం ఈ సీజన్లో బాలయ్య బాబుతో ముచ్చటించే అవకాశం ఉన్నట్లుగా తెలుస్తోంది.

ఇప్పటికే నిర్వాహకులకు కూడా ఆయన తప్పకుండా వస్తారు అని బాలయ్య బాబు గ్రీన్ సిగ్నల్ ఇచ్చారట. అయితే రీసెంట్ గా ఏపీ ప్రభుత్వం ఎన్టీఆర్ వైద్య కళాశాలకు పేరు మార్చడంతో వివాదంగా మారిన విషయం తెలిసిందే.

ఇక నందమూరి హీరోలు వైసీపీకి కౌంటర్ ఇవ్వగా.. ముందు మీ తెలుగుదేశం పార్టీని మీ చేతుల్లోకి తీసుకోండి అంటూ అటు వైపు నుంచి కామెంట్స్ వచ్చాయి. ఇక ఇప్పుడు అలాంటి తరుణంలోనే మళ్లీ చంద్రబాబు బాలయ్య బాబు ఒక ఇంటర్వ్యూలో పాల్గొనడం మరింత చర్చనీయాంశంగా మారింది. మరి ఈసారి అన్‌స్టాపబుల్ ఎలాంటి ఫలితాన్ని అందుకుంటుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.