అన్ స్టాపబుల్.. పవన్ ఎపిసోడ్ కంటే ముందే మరో ట్విస్ట్!

నందమూరి బాలకృష్ణ అన్ స్టాపబుల్ షో రాబోయే రోజుల్లో మరిన్ని సరికొత్త ఎపిసోడ్లతో ఎంతగానో ఆకట్టుకోవడానికి రెడీ అవుతొంది. ముఖ్యంగా ఈ జనవరి మొత్తంలో కూడా అన్ స్టాపబుల్ స్పెషల్ ఎట్రాక్షన్ గా కూడా నిలవబోతున్నట్లు తెలుస్తోంది. ఇప్పటికే ముగ్గురు హీరోయిన్స్ తో బాలయ్య బాబు చేసిన సందడి ఇంకా ఆహాలో ట్రెండింగ్ లిస్టులోనే కొనసాగుతోంది.

అంతేకాకుండా రీసెంట్ గా ప్రభాస్ తో ఫినిష్ చేసిన ఎపిసోడ్ మొదటి భాగం అన్ని వర్గాల వారిని ఆకట్టుకుంటుంది. ఇక రెండవ భాగం ఎపిసోడ్ ఎప్పుడు స్ట్రీమింగ్ అవుతుందా అని హార్డ్ కోర్ ఫ్యాన్స్ అయితే ఎంతో ఆతృతగా ఎదురుచూస్తున్నారు. అయితే పవర్ స్టార్ పవన్ కళ్యాణ్ ఎపిసోడ్ కూడా త్వరలోనే స్ట్రీమింగ్ కాబోతున్నట్లు ఇంతకుముందే ఒక క్లారిటీ వచ్చింది.

తప్పకుండా సంక్రాంతికి వస్తుంది అని కూడా అందరూ అనుకున్నారు. జనవరి 13వ తేదీన పవన్ కళ్యాణ్ ఎపిసోడ్ రాబోతున్నట్లు ఇటీవల కొన్ని కథనాలు కూడా వెలుపడ్డాయి. అయితే నిజానికి ఆహా నిర్వాహకులు సంక్రాంతికి పవన్ కళ్యాణ్ ఎపిసోడ్ ను స్ట్రీమింగ్ చేయాలని అనుకున్నారు. కానీ ఇప్పుడు ఊహించని విధంగా ఎపిసోడ్ ను వాయిదా వేస్తున్నట్లుగా తెలుస్తోంది.

అంతకంటే ముందుగా జనవరి 13వ తేదీన మరి కొంతమంది గెస్ట్ లతో పూర్తి చేయబోతున్న ఎపిసోడ్ ను ప్రసారం చేయబోతున్నారట.

వీర సింహారెడ్డి టీమ్ సభ్యులతో నందమూరి బాలకృష్ణ ఒక ఎపిసోడ్ చేయబోతున్నట్లు తెలుస్తోంది. ఇక ఆ ఎపిసోడ్ జనవరి 13న స్ట్రీమింగ్ చేయబోతున్నట్లు అధికారికంగా ఆహా ఒక క్లారిటీ కూడా వచ్చింది.

అయితే పవన్ కళ్యాణ్ ఎపిసోడ్ మాత్రం జనవరి 26వ తేదీన స్ట్రీమింగ్ అయ్యే ఛాన్స్ ఉన్నట్లుగా తెలుస్తోంది. రిపబ్లిక్ డే సందర్భంగా ఆరోజు అయితే పర్ఫెక్ట్ గా ఉంటుంది అని ఆహా టీం ప్రణాళికలు రచిస్తున్నట్లు సమాచారం. ఇక సంక్రాంతికి మాత్రం పవన్ కళ్యాణ్ కు సంబంధించిన ప్రోమోలను విడుదల చేయాలని అనుకుంటున్నారు. మరి ఈ విషయంలో ఎప్పుడూ అధికారికంగా క్లారిటీ ఇస్తారో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.