టేకింగ్ మిస్ట‌ర్ సీ ఫ‌ర్ ఎ రైడ్‌: ఉపాస‌న

టాలీవుడ్ లోని క్యూట్ క‌పుల్స్ లిస్ట్ లో మెగా ప‌వ‌ర్ స్టార్‌ రామ్ చరణ్ - ఉపాసనలు ముందుంటారు. దంపతులుగా మారిన చిన్న‌నాటి మిత్రులిద్ద‌రూ ఒక‌రిప‌ట్ల ఒక‌రు ఎంత అన్యోన్యంగా ఉంటారో ప్రత్యేకంగా చెప్పక్కర్లేదు. ఉపాస‌న సోష‌ల్ మీడియాలో చాలా యాక్టివ్ గా ఉంటుంది. త‌న భ‌ర్త మిస్ట‌ర్ సీ కి సంబంధించిన కొన్ని విష‌యాల‌ను అభిమానుల‌తో షేర్ చేసుకుంటుంది. ఎప్పుడూ బిజీబిజీగా ఉండే ఈ క్యూట్ క‌పుల్ కొద్దిగా టైం దొరికితే వెకేష‌న్ ల‌కు వెళ్తుంటారు. 'రంగస్థలం 1985' సినిమా షూటింగ్ కు గ్యాప్ రావ‌డంతో చెర్రీ, ఉపాస‌న‌లు వెకేష‌న్ ను ఎంజాయ్ చేయ‌డానికి మనాలి చెక్కేశారు. త‌న భ‌ర్త‌తో దిగిన‌ కొన్ని ఫోటోలను ఉపాసన....అభిమానుల కోసం సోషల్ మీడియాలో షేర్ చేసింది. ప్ర‌స్తుతం ఆ ఫొటో సోష‌ల్ మీడియాలో వైర‌ల్ అయింది.

లండన్ వెకేషన్లో మిస్ట‌ర్ సీ - ఉపాస‌న‌లు తెగ ఎంజాయ్ చేస్తున్నారు. సాధార‌ణంగా భ‌ర్త‌లు త‌మ‌ భార్య‌ల‌ను....గుర్రాలు - ఒంటెల‌పై ఊరేగించ‌డం ఆన‌వాయితీ. అయితే, ఇక్క‌డ వెరైటీగా త‌న భర్త రామ్ చరణ్ ను ఉపాస‌న‌.....జ‌డ‌ల బ‌ర్రెపై ఎక్కించి తిప్పుతోంది. జడల బర్రెపై రామ్ చరణ్ కూర్చుని ఉండగా, దానిని నడిపించుకుంటూ ఉపాసన వెళ్తుండటం ఈ ఫొటోలో కనిపిస్తుంది. జ‌డ‌ల బ‌ర్రెపై చెర్రీ స‌వారీ చేస్తున్న‌ ఫోటోను ఉపాసన త‌న ట్విట్ట‌ర్ ఖాతాలో షేర్ చేసింది. టేకింగ్ మిస్ట‌ర్ సీ ఫ‌ర్ ఎ రైడ్‌....అంటూ క్యాప్ష‌న్ పెట్టింది. ఈ ఫోటో పోస్టు చేసిన కొద్ది సేప‌టికే సోషల్ మీడియాలో వైరల్ అయింది. ఈ క్యూట్ క‌పుల్‌ అన్యోన్య‌త‌కు నెటిజ‌న్లు ఫిదా అయిపోయారు. ఈ సెల‌బ్రిటీలిద్ద‌రూ త‌మ స్టేటస్ ను ప‌క్క‌నబెట్టి ఎంత హ్యాపీగా ఉన్నారో అంటూ కామెంట్లు చేస్తున్నారు. ‘మెగాపవర్ స్టార్ తో ఎంజాయ్ చేయండి’ - ‘లవ్ల్ లీ కపుల్’ - ‘వావ్ - అరుదైన జ్ఞాపకం’ - ‘నైస్ పిక్’ - ‘సూపర్’ అంటూ నెటిజన్లు మెగా క‌పుల్ పై ప్రశంసల జ‌ల్లు కురిపిస్తున్నారు.