టెన్నిస్ స్టార్ ఫ్యామిలీతో మెగాస్టార్ కోడలమ్మ

మెగా పవర్ స్టార్ రామ్ చరణ్ సతీమణి ఉపాసన సోషల్ మీడియాలో చాలా యాక్టివ్ గా ఉంటారన్న సంగతి తెలిసిందే. నిన్న ఆదివారం కూడా ఉపాసన మెగా ఫ్యామిలీ గెట్ టుగెదర్ ఫోటోలను తన సోషల్ మీడియా ఖాతా ద్వారా పోస్ట్ చేస్తూ తను ఆ ఫన్ మిస్ అయ్యానని తెలిపారు. నిన్న ఉపసాన వరల్డ్ ఎకనమిక్ ఫోరమ్ కు సంబంధించిన కార్యక్రమంలో పాల్గొనేందుకు స్విట్జర్లాండ్ లో ఉన్నారు.

ప్రస్తుతం ఉపాసన లండన్ లో ఉన్నారు. ఈ విషయాన్ని ఉపాసనే వెల్లడించారు. లండన్లో టెన్నిస్ స్టార్ సానియా మిర్జాను కలిసి సరదాగా గడిపారు. ఈ సందర్భంగా తీసుకున్న ఫోటోలను తన ఇన్స్టా ఖాతా ద్వారా అభిమానులతో పంచుకున్నారు. ఈ ఫోటోలలో సానియా ఒక బుడతతో పోజిచ్చారు.. ఆ సిసింద్రీ ఎవరో తెలుసా? సానియా మిర్జా-షోయబ్ మాలిక్ ల ముద్దుల కొడుకు ఇజాన్ మిర్జా మాలిక్. ఇక లాస్ట్ ఫోటోలో సానియా.. ఇజాన్ తో పాటుగా సానియా సిస్టర్ ఆనమ్ మిర్జా.. భారత క్రికెట్ టీం మాజీ కెప్టెన్ మొహమ్మద్ అజహరుద్దీన్ కుమారుడు మొహమ్మద్ ఆసదుద్దున్.

ఈ ఫోటోలకు ఉపాసన 'ఇజ్జూస్ డే అవుట్' అంటూ క్యాప్షన్ ఇచ్చారు. ఇజాన్ ను ముద్దుగా ఇజ్జూ అని పిలుచుకుంటున్నారేమో. ఫోటోలలో ఆ ఇజాన్ నవ్వుతూ భలే నవ్వుతూ ఉపాసన తో కలిసి పోజిచ్చాడు. ఈ ఫోటోలకు అందరూ బ్యూటిఫుల్ అని క్యూట్ అని కామెంట్లు పెట్టారు. కానీ ఒకరిద్దరు మాత్రం 'వదినమ్మా మీ టర్న్ ఎప్పుడు?' అంటూ పిల్లల గురించి ప్రశ్నించారు.