కోడ‌ళ్లు సెటైర్లు .. బావుందండోయ్!!

ఫ్రెండ్స్ మ‌ధ్య స‌ర‌దా సంభాష‌ణ‌ల్లో సెటైర్లు వేయ‌డం స‌హ‌జం. అయితే మెగా కోడ‌లు ఉపాస‌న‌పై అక్కినేని కోడ‌లు స‌మంత వేసిన ఓ సెటైర్ ప్ర‌స్తుతం హాట్ టాపిక్ గా మారింది. స్నేహితుల మ‌ధ్య స‌ర‌దా సంభాష‌ణ అది. అదేమంత వివాదాస్ప‌దం కాదు కానీ.. కాస్త ఆలోచింప‌జేసేదిగా ఉంది. ఇంత‌కీ ఏమా సెటైర్? అంటే వివ‌రాల్లోకి వెళ్లాల్సిందే.

మెగా కోడ‌లు ఉపాస‌న హెల్త్ మ్యాగ‌జైన్ బీపాజిటివ్ ని నిర్వ‌హిస్తున్న సంగ‌తి తెలిసిందే. ఈ మ్యాగ‌జైన్ కి ఫిట్ నెస్ ఫ్రీక్స్ లో చ‌క్క‌ని ఆద‌ర‌ణ ఉంది. ప‌లువురు సెల‌బ్రిటీ ఇంట‌ర్వ్యూల‌తో బీపాజిటివ్ కి ప్ర‌త్యేక‌త‌ను ఆపాదించారు. తాజాగా అక్కినేని కోడ‌లు స‌మంత‌ను బీపాజిటివ్ సంపాద‌కురాలు ఉపాస‌న ఇంట‌ర్వ్యూ చేశారు. ఈ ఇంట‌ర్వ్యూలో ఫిట్ నెస్ స‌హా ప‌లు ఆస‌క్తిక‌ర విష‌యాల‌పై ముచ్చ‌ట్లు సాగాయి.

అక్కినేని కోడ‌లితో స‌ర‌దా వీడియో చిట్ చాట్ లో ఉపాస‌న బోలెడంత చిలౌట్ చేశారు. ఉపాస‌న‌తో ముచ్చ‌ట్ల‌లో ఓ ప్ర‌శ్న‌కు స‌మంత జ‌వాబిస్తూ .. ``చై - నేను హోమ్ బ‌ర్డ్స్ (ఇంటి ప‌క్షులు). మేమిద్ద‌రం మీలా కాదు(చ‌ర‌ణ్‌-ఉపాస‌న‌) లా కాదు`` అంటూ సెటైర్ వేశారు. అందుకు ఉపాస‌న ఇమ్మీడియ‌ట్ రెస్పాన్స్ ఆక‌ట్టుకుంది. ప్లీజ్ అలా అన‌కు! వెంట‌నే నువ్వు వైఫ్స్ క్ల‌బ్ లో చేరు.. చాలా విష‌యాలు నేర్చుకుంటావు!!`` అంటూ న‌వ్వేశారు. ఇండ‌స్ట్రీ యునిటీ పైనా ప్ర‌స్థావ‌న తెస్తూ అందుకు చ‌ర‌ణ్ - ఉపాస‌న దంప‌తులు బాట‌లు వేస్తున్నారు అని స‌మంత కాంప్లిమెంట్ ఇవ్వ‌డం ఆస‌క్తిక‌రం. ``మీరు.. చరణ్ కలిసి ఇండస్ట్రీలో యూనిటీ ఉండేలా కృషి చేస్తున్నారు`` అంటూ సామ్ పొగిడేయ‌గా... ``అవునా? మేము అలా చేస్తున్నామనే ఆలోచన ఎప్పుడూ రాలేదే.. మేం జస్ట్ సరదాగా అందరితో అలా కలుస్తాం.. అంతే!! అని ఉపాస‌న జ‌వాబిచ్చారు. కోడ‌ళ్ల ముచ్చ‌ట్లు ప్ర‌స్తుతం వీడియో రూపంలో జోరుగా వైర‌ల్ అవుతోంది. ఇంట్రెస్టింగ్.. అంటూ మెగా .. అక్కినేని అభిమానులు ఆ వీడియోని జోరుగా వైర‌ల్ చేసేస్తున్నారు.