ఇంత‌కీ చెర్రీ మ‌ర‌ద‌లిని పెళ్లాడే కుర్రాడి బ్యాక్ గ్రౌండ్?

టాలీవుడ్ మెగా ప‌వ‌ర్ స్టార్ రామ్ చ‌ర‌ణ్ మ‌ర‌ద‌లు .. ఉపాస‌న కొణిదెల సోద‌రి అనుస్పాల త్వ‌ర‌లో పెళ్లి కూతురు అవుతున్న సంగ‌తి తెలిసిందే. చెన్నైకి చెందిన కార్ రేస‌ర్ అర్మాన్ ఇబ్ర‌హీం ని ఆమె పెళ్లాడుతున్నారు. ఇటీవ‌లే నిశ్చితార్థం అయ్యింద‌ని ఉపాస‌న వెల్ల‌డించారు. ఈ సంద‌ర్భంగా జరిగిన ఓ ఈవెంట్లో మ‌హేష్ భార్యామ‌ణి న‌మ్ర‌త‌.. చ‌ర‌ణ్ సోద‌రి శ్రీ‌జ క‌ళ్యాణ్ .. ఉపాస‌న కజిన్ శ్రీ‌యా భూపాల్ త‌దిత‌రులు పాల్గొన్నారు. ఈ వేడుక నుంచి అరుదైన `బాస్ లేడీ లుక్` రిలీజ్ కాగా అది అంత‌ర్జాలంలో వైర‌ల్ గా మారింది.

ఇంత‌కీ వ‌రుడి వివ‌రాలేమిటి? నేప‌థ్యం ఏమిటి? అన్న‌ది ఆరా తీస్తే.. అత‌డు శ్రియా భూపాల్ హ‌బ్బీ.. ఉపాసన పిన్ని సంగీతా రెడ్డి కుమారుడు ఆనందిత్ రెడ్డికి అర్మాన్ ఇబ్రహీం మంచి ఫ్రెండ్ అని తెలిసింది.

ఆనందిత్ - ఇబ్ర‌హీం స్నేహితులిరువురూ కార్ రేస‌ర్లుగా రాణిస్తున్నారు. మాజీ ఇండియన్‌ ఎఫ్‌ 3 ఛాంపియన్‌ అక్బర్‌ ఇబ్రహీం తనయుడే అర్మాన్ ఇబ్రహీం. అర్మాన్ ఇబ్రహీం కూడా తండ్రి వార‌స‌త్వాన్ని పుణికి పుచ్చుకుని కార్‌ రేసర్ గా ప్ర‌తిభ‌ను నిరూపించుకుని పాపులారిటీ సంపాదించాడు.

అనుష్ప‌ల అపోలో సంస్థ‌ల కార్య‌క‌లాపాల్లో ఉపాస‌న‌తో పాటు బిజీబిజీగా ఉంటారు. అపోలో ఫ్యామిలీకి త‌ల‌లో నాలుక లాంటి వార‌ని చెబుతారు. అపోలో గ్రూప్‌ చైర్మన్‌ ప్రతాప్‌ రెడ్డి.. దోమకొండ కోటకు చెందిన ఉమాపతి రావులకు అనుస్పాల‌ మనవరాలు. శోభన- అనిల్‌ కామినేనిల కూతురు. ఉపాస‌న‌కు చెల్లెలు.. ప్ర‌స్తుతం పెళ్లి ప‌నుల్లో ఉపాస‌న బిజీ కానున్నారు. అపోలో ఫ్యామిలీ వార‌సురాలు పెళ్లి అంటే అంగ‌రంగ వైభ‌వంగా ఉంటుంద‌నడంలో ఎలాంటి సందేహం లేదు. కోవిడ్ నియ‌మాల న‌డుమ పెళ్లి ప్ర‌ణాళిక ఎలా ఉండ‌నుందో ఉపాస‌న వెల్ల‌డిస్తారేమో చూడాలి.