ఉపాసన ఏం డబ్బింగ్ చేస్తుందో మరి

ప్రస్తుతం మెగా పవర్ స్టార్‌ తన స్పీడుకు పనిచెప్పాడు. అస్సలు బ్రేక్‌ అనేది లేకుండా కాశ్మీర్ నుండి రాగానే తన కొత్త షెడ్యూల్ కూడా మొదలెట్టేశాడు. ''ధృవ'' షూటింగ్ జరుగుతున్న స్పీడ్‌ చూస్తుంటే.. త్వరలో రామ్‌ చరణ్‌ చేయబోయే సుకుమార్‌ సినిమా షూటింగ్‌ కూడా మొదలైపోయేలా ఉంది. ఇదంతా ఒకెత్తయితే.. ఇప్పుడు ధృవ షూటింగ్ స్పాటులో చెర్రీని కలుసుకోండి అంటూ ఒక కంటెస్ట్ పెట్టారు.

అదేంటంటే.. మీకు నచ్చిన ఫేవరేట్ చరణ్ డైలాగ్ కు డబ్ స్మాష్‌ చేసి.. #MyDubForRam అని ట్విట్టర్లో పెడితే.. దానిని 'కొణిదెల ప్రొడక్షన్స్'కు చెందిన టీమ్‌ వెరిఫై చేసి.. లక్కీ విన్నర్లను ధృవ షూటింగ్ లో చరణ్‌ తో కలసి ఫోటోలు దిగే ఛాన్సు కలిపిస్తుందట. ఈ పోటీని ప్రకటించారో లేదో అప్పుడే ఒక వెయ్యి వరకు డబ్ స్మాష్ వీడియోలు వచ్చేశాయి. ఇంకా వస్తూనే ఉన్నాయి. ఈ యవ్వారం అంతా చూస్తున్న ఉపాసన ఊరికే ఉంటుందా.. ఆఫర్‌ బాగానే ఉంది కాని మరి నన్ను ఏ డైలాగ్‌ కు డబ్ స్మాష్‌ చేయమంటారు అంటూ సోషల్ నెట్వర్కులో పోస్టు చేసింది.

మరి చరణ్‌ వైఫ్‌కు ఎక్కువమంది ఇచ్చిన సలహా ఏంటో తెలుసా?? మగధీర సినిమాలోని డైలాగులు కాని.. ఆరెంజ్ సినిమాలోని రొమాంటిక్ డైలాగులను కాని డబ్ చేయమంటున్నారు. రేపోమాపో ఆ ప్రయత్నం తాను కూడా చేసి ఏదన్నా వీడియో పెడుతుందేమో చూడాలి మరి.