మెగా కోడలికి అరుదైన గ్లోబల్ సిటిజన్‌ కార్డ్‌

ఉపాసన కొనిదెల గురించి ఎంత చెప్పుకున్నా తక్కువే అవుతుంది. ఆమె దేశంలోనే అత్యున్నత మహిళ వ్యాపారవేత్తల్లో ఒక్కరుగా నిలిచారు. ఆమె ఎన్నో అరుదైన గౌరవాలను దక్కించుకున్నారు. ముఖ్యంగా ఆమె మహిళ వ్యాపారవేత్తగా పలు అవార్డులను రివార్డులను దక్కించుకున్నారు. అదే స మయంలో ఆమె చేసే సామాజిక సేవా కార్యక్రమాలు మరియు ఆమె నిర్వహించే ఇతర కార్యక్రమాల వల్ల ఆమెకు సమాజంలో మంచి గౌరవ స్థానం దక్కింది. కేవలం ఇండియాలోనే కాకుండా ఆమెకు దేశ విదేశాల్లో కూడా గుర్తింపు మరియు గౌరవం దక్కింది అనడంలో సందేహం లేదు. ఇప్పుడు మెగా కోడలు ఉపాసనకు అరుదైన గ్లోబల్‌ సిటిజన్‌ కార్డ్‌ దక్కింది. ఈ విషయాన్ని స్వయంగా ఆమె వెళ్లడించింది. తనకు దక్కిన కార్డును చూపిస్తూ ఫొటోకు ఫోజ్ ఇచ్చింది.

ప్రముఖులకు మరియు అత్యున్నత స్థాయి ప్రతిభ కనబర్చిన వారికి మాత్రమే దుబాయి ప్రభుత్వం గోల్డెన్‌ వీసాను మంజూరు చేస్తుంది. ఈ వీసా ను ఇండియాకు చెందిన అతి తక్కువ మంది ప్రముఖులు మాత్రమే దక్కించుకున్నారు. ఇప్పుడు ఈ అరుదైన గౌరవంను ఉపాసన దక్కించుకున్నారు. క్రిస్మస్ కానుకగా తనకు ఈ అరుదైన కార్డు దక్కింది అంటూ ఉపాసన సంతోషాన్ని వ్యక్తం చేసింది. తనకు ఈ గౌరవం దక్కడం పట్ల ఆమె చాలా సంతోషంగా ఉన్నట్లుగా చెప్పుకొచ్చారు.

ఇండియన్ ఎక్స్‌ పో 2020 లో పాల్గొన్నందుకు ఈ క్రిస్మస్ బహుమానం లభించింది. ప్రపంచం అంతా కూడా ఒక్కటే కుటుంబం. యూఏఈ గోల్డెన్ వీసా దక్కడం చాలా సంతోషంగా ఉంది. అన్ని దేశాల పట్ల నాకు గౌరవం మరియు అభిమానం ఉన్న భారతీయురాలిని నేను. ఇప్పుడు నేను అధికారికంగా ప్రపంచ పౌరురాలిని (గ్లోబల్‌ సిటిజన్‌) అన్నట్లుగా ఉపాసన ట్వీట్‌ చేసింది. ఉపాసన సాధించిన ఈ అరుదైన గుర్తింపుకు గౌరవంకు మెగా ఫ్యామిలీ నుండే కాకుండా పలువురు ప్రముకులు మరియు మెగా ఫ్యాన్స్ ఆమెకు అభినందనలు తెలియజేస్తున్నారు. ఉపాసన ముందు ముందు మరెన్నో విజయాలను దక్కించుకోవాలని ఆశిస్తున్నాం అంటూ అభిమానులు కామెంట్స్ చేస్తున్నారు. మా తరపున కూడా ఉపాసన గారికి ఈ సందర్బంగా హృదయ పూర్వక అభినందనలు తెలియజేస్తున్నాం.