టాప్ స్టోరి: ఎండ‌ల్లో ఎవ‌రూ త‌గ్గ‌రేం?

ఎండ‌లు మండుతున్నా ఎవ‌రూ త‌గ్గ‌రు! ఎవ‌రికి వారు రిలీజ్ బ‌రిలోకి వ‌చ్చేస్తున్నారు. ఈ స‌మ్మ‌ర్ లో ఏకంగా డ‌జ‌ను సినిమాలు క్యూలో ఉన్నాయి. వీటిలో ఇదివ‌రకూ ప్ర‌క‌టించిన తేదీల్లో చిన్న పాటి మార్పుతో ప్రేక్ష‌కాభిమానుల ముందుకు వ‌చ్చేందుకు ప్రిప‌రేషన్స్ సాగుతున్నాయి. ముందుగా ఈ స‌మ్మ‌ర్ లో అగ్గి రాజేయ‌బోయే సినిమా ఏది? అంటే .. ? ..

అక్కినేని బుల్లోడు నాగ‌చైత‌న్య - అందాల స‌మంత జంట‌గా న‌టిస్తున్న `మ‌జిలీ` ఏప్రిల్ 5న రిలీజ‌వుతోంది. శివ నిర్వాణ ఈ చిత్రానికి దర్శ‌క‌త్వం వ‌హిస్తున్నారు. మ‌ధ్య త‌ర‌గ‌తి ఈతి బాధ‌ల నేప‌థ్యంలో ఆద్యంతం ఉత్కంఠ రేకెత్తించే చ‌క్క‌ని ప్రేమ‌క‌థా చిత్ర‌మిద‌ని యూనిట్ చెబుతోంది. సామ్ - చై జోడీ ఆన్‌ స్క్రీన్ కెమిస్ట్రీ తెర‌పై అద్భుతంగా పండ‌నుంద‌ట‌. చైతూ క్రికెట‌ర్ గా క‌నిపించ‌డం మ‌రో హైలైట్‌. వెద‌వ‌ల‌కే మంచి పెళ్లాలు దొరుకుతార‌నే టీజ‌ర్ లో చెప్ప‌క‌నే చెప్పారు. ఆ త‌ర్వాత ఏప్రిల్ చివ‌రి వ‌ర‌కూ సినిమాలేవీ లేవు. ఎండ‌లు, ప‌రీక్ష‌ల సీజ‌న్, ఎన్నిక‌ల వేడి వ‌ల్ల‌ ఏప్రిల్ చివ‌రిలో రిలీజ్ కావాల్సిన మ‌హ‌ర్షి సైతం మే 9కి వాయిదా ప‌డింది. మేలో ఆరు క్రేజీ చిత్రాలు రిలీజ‌వుతున్నాయి. వీటిలో లారెన్స్ క‌థానాయ‌కుడిగా న‌టిస్తూ ద‌ర్శ‌క‌త్వం వ‌హిస్తున్న `ముని 4` మే తొలివారంలో రిలీజ్ కి రెడీ అవుతోంది. హార‌ర్ బ్యాక్ డ్రాప్ లో వ‌స్తున్న సీక్వెల్ మూవీ ఇది. మే 1 - మే12 మ‌ధ్య‌ రిలీజ్ చేయాల‌న్న‌ది ప్లాన్ అని తెలిసింది. అటుపై నేచుర‌ల్ స్టార్ నాని న‌టిస్తున్న జెర్సీ చిత్రాన్ని మే 19న రిలీజ్ చేస్తున్నారు. నాని తొలిసారి ఓ క్రికెట‌ర్ పాత్ర‌లో మెప్పించ‌నున్నాడు. ఇప్ప‌టికే జ‌ర్సీ పోస్ట‌ర్లు అభిమానుల్ని ఆక‌ట్టుకున్నాయి. గౌత‌మ్ తిన్న‌నూరి ద‌ర్శ‌క‌త్వం వ‌హిస్తున్న ఈ చిత్రాన్ని నాగ‌వంశీ నిర్మిస్తున్నారు.

సూప‌ర్‌ స్టార్ మ‌హేష్ న‌టిస్తున్న `మ‌హ‌ర్షి` తో హీట్ పీక్స్ కి చేరనుంది. ఏప్రిల్ 25న రిలీజ్ కావాల్సిన ఆ చిత్రం మే9న రిలీజ‌వుతోంది. అంటే మే రెండో వారంలో మ‌హేష్ అభిమానుల్లో జోష్ పీక్స్ కి చేరుతుంద‌న్న‌మాట‌. వంశీ పైడిప‌ల్లి ద‌ర్శ‌క‌త్వం వ‌హిస్తున్న ఈ చిత్రానికి దిల్ రాజు- అశ్వ‌నిద‌త్- పీవీపీ నిర్మాత‌లు. అటుపై మే లోనే సాయిధ‌ర‌మ్ `చిత్ర‌ల‌హ‌రి` రిలీజ్ కానుంది. సుప్రీం హీరోతో మైత్రి మూవీ మేక‌ర్స్ నిర్మిస్తున్న ఈ చిత్రం మే 25న రిలీజ్ కానుంద‌న్న మాటా వినిపిస్తోంది. ఎన‌ర్జిటిక్ హీరో రామ్ క‌థానాయ‌కుడిగా పూరి జ‌గ‌న్నాథ్ స్వీయ ద‌ర్శ‌క‌త్వంలో తెర‌కెక్కిస్తున్న ఇస్మార్ట్ శంక‌ర్ మే - జూన్ సీజ‌న్ లో రిలీజ్ కానుంద‌ని తెలుస్తోంది. ప్ర‌స్తుతం ఈ సినిమా చిత్రీక‌ర‌ణ స్వింగులో ఉంది. పూరి -ఛార్మి జోడీ సంయుక్తంగా నిర్మిస్తున్నారు. విజ‌య్ దేవ‌ర‌కొండ హీరోగా మైత్రి సంస్థ నిర్మిస్తున్న డియ‌ర్ కామ్రేడ్ ఈ వేస‌విలోనే రిలీజ‌వుతుంద‌ట‌. కాకినాడ బ్యాక్ డ్రాప్ లో స్టూడెంట్ ఉద్య‌మాల నేప‌థ్యంలో తెర‌కెక్కిన చిత్ర‌మిద‌ని చెబుతున్నారు. దేవ‌ర‌కొండ కాకినాడ బుల్లోడిగా న‌టిస్తున్నాడు. భ‌ర‌త్ క‌మ్మ ద‌ర్శ‌క‌త్వంలో మైత్రి మూవీ మేక‌ర్స్ ఈ చిత్రాన్ని నిర్మిస్తోంది. వెర్స‌టైల్ స్టార్ శ‌ర్వానంద్ క‌థానాయ‌కుడిగా న‌టిస్తున్న గ్యాంగ్ లీడ‌ర్ చిత్రం ఈ వేస‌విలోనే రిలీజ్ కానుంది. రిలీజ్ తేదీ ఫిక్స్ చేయాల్సి ఉందింకా. ఇందులో శ‌ర్వా స‌ర‌స‌న చంద‌మామ కాజ‌ల్ క‌థానాయిక‌గా న‌టిస్తోంది. ఇక ఇన్ని సినిమాల్లో ఎవ‌రి స‌త్తా ఎంత‌? ఎవ‌రి త‌ల‌రాత ఎలా ఉంది? అన్న‌ది వేచి చూడాల్సిందే.