తెలుగమ్మాయి రీ ఎంట్రీతో సక్సెస్ అయ్యేనా?

బుల్లి తెరపై తనదైన శైలి తో ఆకట్టుకున్న స్వాతి అలియాస్ కలర్స్ స్వాతి వెండి తెరపై కూడా తనదైన ముద్రను వేసేందుకు ప్రయత్నాలు చేసింది. కాని అది వర్కౌట్ అవ్వలేదు. హీరోయిన్ గా ఆమె చేసిన ప్రయత్నాలు ఒకటి రెండు పర్వాలేదు అనిపించినా మెజార్టీ సినిమాలు నిరాశ పర్చాయి. వేరే భాషలో మాత్రం స్వాతికి మంచి పేరు దక్కింది.

నటిగా ఆఫర్లు వస్తున్న సమయంలోనే సినిమాలకు దూరం అయ్యింది.పెళ్లి చేసుకున్న తర్వాత విదేశాలకు వెళ్లి సెటిల్‌ అయిన స్వాతి మళ్లీ నటిగా రీ ఎంట్రీ ఇచ్చేంఉదకు ప్రయత్నాలు చేస్తుంది. రెండేళ్ల క్రితమే ఈమె నటిగా రీ ఎంట్రీ ఇవ్వాలని ఆశ పడింది. కాని హీరోయిన్‌ గా ఒకటి రెండు ఆఫర్లు వస్తున్న సమయంలో కరోనా ఎటాక్ అయ్యింది.

కరోనా కారణంగా ఈమె నటించిన సినిమా మద్యలోనే ఆగిపోయింది. ఒకటి రెండు సినిమాలు రావాల్సి ఉన్నా కూడా కనీసం అవి పట్టాలెక్కలేదు. హీరోయిన్‌ గా స్వాతి మళ్లీ బిజీ అయ్యేందుకు ప్రయత్నాలు చేస్తోంది. ఈ సమయంలో ఆమె నటించిన పంచతంత్రం విడుదలకు సిద్దం అవుతోంది.

కరోనా కారణంగా అదుగో ఇదుగో అంటూ వాయిదాలు పడుతూ వచ్చిన పంచతంత్రం త్వరలోనే విడుదల అయ్యే అవకాశాలు కనిపిస్తున్నాయి.

నటిగా రీ ఎంట్రీ ఇచ్చి వరుసగా ఆఫర్లు దక్కించుకోవాలని ప్రయత్నాలు చేస్తున్న స్వాతికి పూర్తి ఆశలు అన్ని కూడా పంచతంత్రంపైనే ఉన్నాయి అనడంలో సందేహం లేదు. నటిగా ఆమె ఏ స్థాయిలో ఆకట్టుకుంటుంది అనేది చూడాలి.

ఇండస్ట్రీలో నటిగా ఎన్నో సినిమాల్లో నటించి మెప్పించిన స్వాతి ఇప్పుడు నటిగా వరుసగా సినిమాలు చేస్తూ ఆకట్టుకుంది. గతంలో సక్సెస్ అయిన వాళ్లు బ్రేక్ తీసుకుని రీ ఎంట్రీ ఇచ్చి మంచి విజయాలను దక్కించుకున్నారు. ఇప్పుడు అదే తరహా లో స్వాతి కూడా ఖచ్చితంగా రీ ఎంట్రీలో సక్సెస్ అవుతుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు.