బింబిసార : అయ్యో ఎన్టీఆర్‌ ఎంత పని చేశావ్‌

గత వారం ప్రేక్షకుల ముందుకు వచ్చిన నందమూరి కళ్యాణ్ రామ్‌ బింబిసార సినిమా బాక్సాపీస్ వద్ద హడావుడి చేస్తోంది. బింబిసార సినిమా ఇప్పటికే బ్రేక్‌ ఈవెన్‌ సాధించింది. మూడవ రోజు నుండే లాభాలను రాబడుతున్న బింబిసార సినిమా బయ్యర్లకు మరియు నిర్మాతకు రెట్టింపు లేదా మూడు రెట్ల లాభాలను తెచ్చి పెట్టినా ఆశ్చర్యం లేదు అన్నట్లుగా బాక్సాఫీస్‌ వర్గాల వారు అభిప్రాయం వ్యక్తం చేస్తున్నారు.

ఈ సమయంలో నందమూరి ఫ్యాన్స్ లో ఆసక్తికర చర్చ జరుగుతోంది. అదేంటి అంటే కళ్యాణ్ రామ్ బింబిసార సినిమా ను మొదలు పెట్టి కొంత షూటింగ్ చేసిన తర్వాత సినిమాపై చాలా నమ్మకం ఉండటంతో తమ్ముడు ఎన్టీఆర్‌ తో చిన్న పాత్ర లేదా గెస్ట్‌ రోల్‌ ను చేయిస్తే బాగుంటుందని అనుకున్నాడట. ఆ విషయాన్ని తమ్ముడు ఎన్టీఆర్‌ తో కూడా కళ్యాణ్‌ రామ్‌ చెప్పి చూశాడు అనేది సమాచారం.

ఆ సమయంలో ఎన్టీఆర్ 'ఆర్ ఆర్‌ ఆర్‌' వర్క్ లో బిజీగా ఉండటంతో పాటు బింబిసార సినిమా లో గెస్ట్‌ రోల్‌ లో పోషించే విషయమై ఆసక్తిని కనబర్చలేదు. సున్నితంగా అన్నయ్య ఆఫర్‌ ను తిరష్కరించాడు. కళ్యాణ్ రామ్‌ కూడా ఎక్కువ ఒత్తిడి చేసే ప్రయత్నం చేయలేదు. ఎన్టీఆర్‌ ఒక వేళ ఆ రోజు చిన్న గెస్ట్‌ రోల్‌ కు ఓకే చెప్పి ఉంటే బాక్సాఫీస్ ఇప్పుడు మరింతగా షేక్ అయ్యేది అనడంలో సందేహం లేదు.

ఇలాంటి సినిమా లో ఒక పవర్ ఫుల్‌ రోల్ లో ఎన్టీఆర్‌ ని చూడాలని అభిమానులు కోరుకుంటున్నారు. ఈ సినిమాలో ఆయన నటించి ఉంటే వారి యొక్క కోరిక కూడా తీరినట్లు అయ్యేది. కానీ ఎన్టీఆర్ కు ఆ సమయంలో బింబిసార పై నమ్మకం ఉన్నా కూడా ఏదో కారణం వల్ల సున్నితంగా తిరష్కరించాల్సి వచ్చిందట.

నందమూరి కళ్యాణ్ రామ్‌ బింబిసార సినిమా తో మంచి విజయాన్ని సొంతం చేసుకున్న నేపథ్యంలో ముందు ముందు వీరిద్దరి కాంబోల మంచి మల్టీ స్టారర్‌ సినిమాలు ఉండే అవకాశం ఉంది. ఇప్పటికే ఎన్టీఆర్‌ అన్ని సినిమాలకు కళ్యాణ్ రామ్‌ నిర్మాతగా వ్యవహరిస్తున్నాడు.

బింబిసార ప్రమోషన్ లో ఎన్టీఆర్‌ పాల్గొంటేనే భారీ బజ్ దక్కింది.. అదే నటించి ఉంటే ఊహకు కూడా అందని వసూళ్లు నమోదు అయ్యేవి అనేది టాక్‌. అందుకే అభిమానులు ఇప్పుడు ఎన్టీఆర్ ఎంత పని చేశావ్ సినిమా ను తిరష్కరించి అన్నట్లగా సోషల్‌ మీడియాలో కామెంట్స్ చేస్తున్నారు.