'పుష్ప 2' కోసం సుక్కు ఎక్క‌డా త‌గ్గేదేలే!

స్టార్ హీరో అల్లు అర్జున్ న‌టించిన 'పుష్ప‌' ప్ర‌పంచ వ్యాప్తంగా సంచ‌ల‌నాలు సృష్టించిన విష‌యం తెలిసిందే. బ‌న్నీని పాన్ ఇండియా స్టార్ గా, సుకుమార్ ని పాన్ ఇండియా డైరెక్ట‌ర్ ల జాబితాలో చేర్చిన ఈ మూవీ వ‌సూళ్ల ప‌రంగానూ ఉత్త‌రాది బాక్సాఫీస్ వ‌ద్ద ఊహించని వ‌సూళ్ల‌ని రాబ‌ట్టి విస్మ‌యానికి గురిచేసింది. త్వ‌ర‌లో దేశ వ్యాప్తంగా సంచ‌ల‌నం సృష్టించి హాట్ టాపిక్ గా మారిన ఈ మూవీకి సీక్వెల్ గా 'పుష్ప 2'ని తెర‌పైకి తీసుకురానున్న విష‌యం తెలిసిందే.

'పుష్ప‌' విజ‌యాన్ని దృష్టిలో పెట్టుకుని ద‌ర్శ‌కుడు సుకుమార్ తో పాటు మైత్రీ మూవీ మేక‌ర్స్ ఎక్క‌డా.. ఏ విష‌యంలోనూ రాజీప‌డ‌కుండా త‌గ్గేదేలే అన్న‌ట్టుగా ఈ మూవీని భారీ స్థాయిలో ప్లాన్ చేస్తున్నారు. వ‌రుస భారీ చిత్రాల త‌రువాత గ‌త కొన్ని నెల‌లుగా యావ‌త్ దేశం మొత్తం 'పుష్ప 2' ఎప్పుడెప్పుడు మొద‌ల‌వుతుందా? అని ఆస‌క్తిగా ఎదురుచూస్తున్నాయి.

ఇటీవ‌ల పాన్ ఇండియా వైడ్ గా సంచ‌ల‌నాలు సృష్టించిన ప‌లు క్రేజీ సినిమాల‌ని ప‌రిశీలించిన ద‌ర్శ‌కుడు సుకుమార్ క‌థ‌లో కావాల్సిన మార్పులు, చేర్పులు పూర్తి చేశారు.

ఫైన‌ల్ డ్రాఫ్ట్ సిద్ధ‌మైంది. ఇక సెట్స్ వెళ్ల‌డ‌మే త‌రువాయి. దీపావ‌ళి త‌రువాత మొద‌లు పెట్టాల‌నుకున్నారు. కానీ కుద‌ర‌లేదు. ఫైన‌ల్ గా న‌వంబ‌ర్ 13 నుంచి ఈ మూవీ రెగ్యుల‌ర్ షూటింగ్ ని సుకుమార్ మొద‌లు పెడుతున్నట్టుగా వార్త‌లు వినిపిస్తున్నాయి. ఇటీవ‌లే బ‌న్నీ లుక్ టెస్ట్ తో పాటు టెస్ట్ షూట్ ని కూడా మొద‌లు పెట్టిన‌ట్టుగా క్లారిటీ వ‌చ్చేసింది. సినిమాటోగ్రాఫ‌ర్ మిరోస్లా కుబా ఇటీవ‌ల ఆన్ లొకేష‌న్ లో జ‌రుగుతున్న టెస్ట్ షూట్ ఫొటోని షేర్ చేయ‌డంతో రెగ్యుల‌ర్ షూటింగ్ పై క్లారిటీ వ‌చ్చేసింది.

ఇదిలా వుంటే ఈ మూవీ షూటింగ్ విష‌యంలో రాజీప‌డ‌కూడాద‌ని, ఏ విష‌యంలోనూ త‌గ్గేదే లే అని సుకుమార్ ఈ మూవీని మ‌రింత ప్ర‌త్యేకంగా వుండాల‌ని స్పెష‌ల్ సీన్ ల‌ని రెడీ చేశార‌ట‌. అంతే కాకుండా ఈ మూవీకి సంబంధించిన కీల‌క ఘ‌ట్టాల‌ని థాయ్ లాండ్ లో రెండు నెలల పాటు నిర‌వ‌ధికంగా చిత్రీక‌రించాల‌ని ద‌ర్శ‌కుడు సుకుమార్ భారీ స్కెచ్ వేసిన‌ట్టుగా వార్త‌లు వినిపిస్తున్నాయి. అంతే కాకుండా త‌న ప్లాన్ కి త‌గ్గ‌ట్టుగానే బ‌న్నీపై పులి ఫైట్ ని కూడా ప్లాన్ చేశార‌ని వార్త‌లు వ‌స్తున్న విష‌యం తెలిసిందే.

అయితే ఈ భారీ ఫైట్ కోసం వీఎఫ్ ఎక్స్ పులిని వాడ‌కుండా ఏకంగా ఒరిజినాలిటీ కోసం ఒరిజిన‌ల్ పులినే రంగంలోకి దించేస్తున్నార‌ట‌. సినిమాకు బ‌న్నీపై చిత్రీక‌రించే పులి ఫైట్ ప్ర‌ధాన హైలైట్ గా నిల‌వ‌నుంద‌ని తెలుస్తోంది. ప్ర‌స్తుతం ఈ ఫైట్ కోసం ఓ పులికి ప్ర‌త్యేక శిక్ష‌ణని ఇప్పిస్తున్నార‌ట‌. త్వ‌ర‌లో బ్యాంకార‌ఖ లో కీల‌క ఘ‌ట్టాల‌ని చిత్రీక‌ర‌ణ కు శ్రీ‌కారం చుట్ట‌బోతున్నార‌ని ఇన్ సైడ్ టాక్‌. ర‌ష్మిక మంద‌న్న హీరోయిన్ గా న‌టించ‌నున్న ఈ మూవీలోని కీల‌క పాత్ర‌ల్లో ఫ‌హ‌ద్ ఫాజిల్‌, ధ‌నుంజ‌య‌, సునీల్, అన‌సూయ న‌టించ‌నున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.