ప‌వ‌న్ తో వ‌స్తున్న ఆ ఇద్ద‌రు ఎవ‌రు?

నంద‌మూరి బాల‌కృష్ణ 'ఆహా' ఓటీటీ కోసం హోస్ట్ గా వ్య‌వ‌హ‌రిస్తున్న అన్ స్టాపబుల్ విత్ ఎన్ బికె' బ్లాక్ బ‌స్ట‌ర్ హిట్ గా నిల‌వ‌డ‌మే కాకుండా టాక్ ఆఫ్ ది ఇండియాగా మారిన విష‌యం తెలిసిందే. ఈ షోకు సంబంధించిన ప‌లు ఆన్ లొకేష‌న్ వీడియోలు, స్టిల్స్ లీక్ అయిపోతుండ‌టంతో అర్హ మీడియా ఢిల్లీ హైకోర్టులో వ్యాజ్యం దాఖ‌లు చేయ‌డంతో ఉత్త‌రాదిలోనూ ఈ షో వైర‌ల్ గా మారింది. ఇదిలా వుంటే తాజాగా మొద‌లైన సీజ‌న్ 2లో పాన్ ఇండియా స్టార్ ప్ర‌భాస్ కు సంబంధించిన ఎపిసోడ్ ఈ శ‌నివారం డిసెంబ‌ర్ 31న స్ట్రీమింగ్ కాబోతోంది.

ఇప్ప‌టికే రిలీజ్ చేసిన ప్రోమో నెట్టింట వైర‌ల్ గా మారి ట్రెండ్ అవుతోంది. ప్ర‌భాస్ పెళ్లి టాపిక్ పై బాల‌య్య ప్ర‌శ్న‌లు సంధించిన ప్రోమో కూడా తెగ వైర‌ల్ కావడంతో ప్ర‌భాస్ కు సంబంధించిన ఎపిసోడ్ ని రెండు భాగాలుగా స్ట్రీమింగ్ చేయ‌బోతున్నాడు.

డిసెంబ‌ర్ 31న ఫ‌స్ట్ ఎపిసోడ్‌, జ‌న‌వ‌రి 6న సెకండ్ ఎపిసోడ్ స్ట్రీమింగ్ కానున్నాయి. ఈ ఎపిసోడ్ ల కోసం ఫ్యాన్స్ భారీ స్థాయిలో ఎదురు చూస్తున్నారు. ఈ నేప‌థ్యంలో అన్ స్టాప‌బుల్ విత్ ఎన్ బికె సీజ‌న్ 2 లోకి ఎప్పెడెప్పుడు ప‌వ‌ర్ స్టార్ ప‌వ‌న్ క‌ల్యాణ్ ఎంట్రీ ఇస్తారా? అని అంతా ఆశ‌గా ఎదురు చూశారు.

వారి ఎదురు చూసుల‌కు తెర దించుతూ ప‌వ‌న్ క‌ల్యాణ్ అన్ స్టాప‌బుల్ విత్ ఎన్ బికె సీజ‌న్ 2 లోకి వ‌చ్చేయ‌డం తెలిసిందే. మంగ‌ళ‌వారం అన్న‌పూర్ణ సెవెన్ ఎర్స్ లో ప్ర‌త్యేకంగా వేసిన‌ సెట్ లోకి ప‌వ‌న్ అడుగు పెట్టడం...బాల‌య్య సాద‌రంగా ఆహ్వానించ‌డం తెలిసిందే. ఇందుకు సంబంధించిన వీడియో, ఫొటోలు గ‌త కొన్ని రోజులుగా నెట్టింట వైర‌ల్ అవుతున్నాయి. ఇదిలా వుంటే ప‌వ‌న్ తో పాటు ఈ షోలో మ‌రో ఇద్ద‌రు కూడా పాల్గొంటున్నార‌ని తాజాగా వార్త‌లు వినిపిస్తున్నాయి.

ప‌వ‌న్ క‌ల్యాణ్ తో 'హ‌రి హ‌ర వీర‌మ‌ల్లు' మూవీని తెర‌కెక్కిస్తున్న ద‌ర్శ‌కుడు క్రిష్ జాగ‌ర్ల‌మూడితో పాటు ఈ షొలో ప‌వ‌న్ క‌ల్యాణ్ మేన‌ల్లుడు సాయి ధ‌ర‌మ్ తేజ్ కూడా పాల్గొంటున్నాడ‌ని తెలిసింది.

క్రిష్ జాగ‌ర్ల‌మూడితో బాల‌య్య 'గౌత‌మీ పుత్ర శాత‌క‌ర్ణి', 'ఎన్టీఆర్' బ‌యోపిక్ లు చేసిన విష‌యం తెలిసిందే. ఈ షోలో క్రిష్ , సాయి ధ‌ర‌మ్ తేజ్ క‌నిపించేది త‌క్కువ స‌మ‌యమే అయినా వినోదాన్ని అందిస్తారట‌. అయితే సితార సూర్య‌దేవ‌ర నాగ‌వంశీతో బాల‌య్య అన్న‌ట్టుగా ప‌వ‌న్ స్పెష‌ల్ ఎపిసోడ్ లో మాత్రం త్రివిక్ర‌మ్ ఎంట్రి ఇవ్వ‌క‌పోవ‌డం ఫ్యాన్స్ కి కొంత వెలితిగానే వుంద‌ని చెబుతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.