సంక్రాంతికే ఏజెంట్.. దీపావళి పోస్టర్ తో ఎనౌన్స్..!

అక్కినేని అఖిల్ సురేందర్ రెడ్డి కాంబినేషన్ లో వస్తున్న క్రేజీ మూవీ ఏజెంట్. ఏకె ఎంటర్టైన్ మెంట్స్ బ్యానర్ లో అనీల్ సుంకర ఈ మూవీ నిర్మిస్తున్నారు. మోస్ట్ ఎలిజిబుల్ బ్యాచిలర్ తో కెరియర్ లో మొదటి కమర్షియల్ హిట్ అందుకున్న అఖిల్ ఆ హిట్ జోష్ తో ఏజెంట్ కోసం బాగా కష్టపడ్డాడు. ఇండియన్ స్పై థ్రిల్లర్ మూవీగా ఏజెంట్ వస్తుంది.

సినిమా కోసం అఖిల్ చాలా కష్టపడినట్టు తెలుస్తుంది. దీపావళి పండుగ సందర్భంగా ఏజెంట్ నుంచి సరికొత్త పోస్టర్ రిలీజ్ చేశారు. ఈ పోస్టర్ లో అఖిల్ సూట్ వేసుకుని గొడుగు పట్టుకుని ఇంటెన్స్ లుక్ తో కనిపించాడు అఖిల్.

ఈ పోస్టర్ లో పెద్దగా విషయం లేకపోయినా పోస్టర్ తో పాటుగా సినిమా రిలీజ్ డేట్ కూడా ఎనౌన్స్ చేశారు చిత్రయూనిట్. ఈ ఏడాది చివర్లో రిలీజ్ అవుతుంది అనుకున్న అఖిల్ ఏజెంట్ సంక్రాంతికి రిలీజ్ ఫిక్స్ చేశారు. ఇప్పటికే సంక్రాంతికి సినిమాల లిస్ట్ చాలా పెద్దదిగానే ఉంది. అయినా సరే అఖిల్ ఏజెంట్ ని పొంగల్ రేసులో దించాలని స్ట్రాంగ్ గా ఫిక్స్ అయ్యారు.

ఏజెంట్ మూవీ అఖిల్ కెరియర్ లో భారీ బడ్జెట్ తో తెరకెక్కుతుంది. ఈ సినిమాలో యాక్షన్ సీన్స్ ప్రేక్షకులను మెస్మరైజ్ చేస్తాయని అంటున్నారు. ఏజెంట్ సినిమా పాన్ ఇండియా రిలీజ్ ప్లాన్ చేస్తున్నారు. తెలుగు సినిమాలకు ఇప్పుడు నేషనల్ వైడ్ గా మంచి మార్కెట్ ఏర్పడింది. ఈ దారిలోనే అఖిల్ ఏజెంట్ కూడా పాన్ ఇండియా రిలీజ్ ఫిక్స్ చేశారు.

ఏజెంట్ సినిమాలో అఖిల్ కి జోడీగా సాక్షి వైద్య నటించింది. ఏజెంట్ తో అఖిల్ కూడా పాన్ ఇండియా ఇమేజ్ సంపాదించాలని చూస్తున్నాడు. సైరా నరసింహా రెడ్డి తర్వాత స్టార్ హీరోలతో సినిమా ప్రయత్నాలు చేసిన డైరక్టర్ సురేందర్ రెడ్డి వాళ్లెవరు ఛాన్సులు ఇవ్వకపోవడంతో అఖిల్ తో సినిమా ఫిక్స్ అయ్యాడు.

ఏజెంట్ మూవీ అనుకున్న విధంగా అంచనాలు అందుకుంటుందా.. పోటీగా వస్తున్న సినిమాలకు గట్టి ఫైట్ ఇస్తుందా లేదా అన్నది తెలియాలంటే సినిమా రిలీజ్ వరకు వెయిట్ చేయాల్సిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.