నిజంగా ఇది హాలీవుడ్‌ సినిమా కాదు గురూ!

తమిళ్‌ హీరో ఆర్య.. ఐశ్వర్య లక్ష్మి కీలక పాత్రల్లో శక్తి సౌందర్‌ రాజన్ దర్శకత్వంలో రూపొందిన సినిమా 'కెప్టెన్‌'. ఈ సినిమా ట్రైలర్‌ తాజాగా విడుదల అయ్యింది. ట్రైలర్ చూస్తే హాలీవుడ్ సినిమా రేంజ్ లో ఉంది. యాక్షన్ సన్నివేశాలు.. పాత్రలు మరియు గ్రాఫిక్స్ ఇలా ప్రతి ఒక్కటి కూడా హాలీవుడ్ సినిమా లకు ఏమాత్రం తగ్గకుండా ఉందంటూ కామెంట్స్ వస్తున్నాయి.

కెప్టెన్ ట్రైలర్‌ చూసిన తర్వాత ఇది నిజంగా హాలీవుడ్‌ సినిమా కాదా అన్నట్లుగా సాదారణ ప్రేక్షకులు ఫీల్ అవుతున్నారు. ఔను నిజంగానే ఇది హాలీవుడ్‌ సినిమా కాదు గురూ.. ఇది ఒక తమిళ్ మూవీ. విభిన్న చిత్రాలను తెరకెక్కిస్తూ ఇండియన్ సినిమా స్థాయిని తన సినిమా సినిమా కి పెంచుకుంటూ పోతున్న శక్తి సౌందర్‌ రాజన్ దర్శకత్వంలో రూపొందిన సినిమానే ఇది.

ఇప్పటి వరకు ఆయన నుండి వచ్చిన ప్రతి ఒక్క సినిమా కూడా విభిన్నం అనే పదంకు సరి పోయేలా ఉంటుంది. ఆయన సినిమా అంటే ఇండియన్ సినీ ప్రేక్షకుల ఆలోచనకు కాస్త అవతలి వైపు అన్నట్లుగా ఉంటాయి. అందుకే ఆయన నుండి సినిమా అంటే తమిళ ప్రేక్షకుల మాత్రమే కాకుండా మొత్తం అంతా కూడా ఆసక్తిగా ఎదురు చూస్తూ ఉంటారు అనడంలో సందేహం లేదు.

ఇప్పుడు కెప్టెన్ సినిమా తో హాలీవుడ్‌ యాక్షన్ మూవీ ప్రిడేటర్ మరియు ఇతర సినిమాలను గుర్తు చేస్తున్నాయి. తక్కువ బడ్జెట్‌ లో హాలీవుడ్‌ స్థాయి లుక్‌ ను సినిమాకు తెచ్చి పెట్టాడు. అంతే కాకుండా హాలీవుడ్‌ స్థాయి యాక్షన్ సన్నివేశాలను దర్శకుడు శక్తి సౌందర్ రాజన్‌ చూపించే ప్రయత్నం చేస్తున్నాడు.

ఈ సినిమా పై ఉన్న అంచనాల నేపథ్యంలో నితిన్ హోం బ్యానర్‌ అయిన శ్రేష్ఠ్‌ మూవీస్ లో డబ్బింగ్‌ చేసి విడుదల చేయబోతున్నారు. కమల్‌ హాసన్‌ విక్రమ్‌ తర్వాత ఈ బ్యానర్ లో రాబోతున్న మరో డబ్బింగ్ సినిమా కెప్టెన్‌.

నితిన్ తండ్రి సుధాకర్ రెడ్డి ఈ సినిమాపై చాలా నమ్మకంతో ఉన్నట్లుగా తెలుస్తోంది. అందుకే కాస్త ఎక్కువ మొత్తానికే ఈ సినిమాను కొనుగోలు చేయడం జరిగిందట.