'బనారస్' రిలీజ్ డేట్ ఫిక్స్..!

కర్ణాటక రాజకీయవేత్త జమీర్ అహ్మద్ ఖాన్ కుమారుడు జైద్ ఖాన్‌ హీరోగా సినీ రంగ ప్రవేశం చేస్తున్న పాన్ ఇండియా చిత్రం ''బనారస్''. వారణాసి నేపథ్యంలో ఆహ్లాదకరమైన ప్రేమకథగా రూపొందిన ఈ సినిమాలో సోనాల్ మోంటెరో హీరోయిన్ గా నటించింది.

'బెల్ బాటమ్' ఫేమ్ జయతీర్థ ''బనారస్'' చిత్రానికి దర్శకత్వం వహించారు. నేషనల్ ఖాన్స్ ప్రొడక్షన్ కంపెనీ బ్యానర్ లో తిలక్ రాజ్ భల్లాల్ ఈ సినిమాని నిర్మిస్తున్నారు. పోస్ట్ ప్రొడక్షన్ కార్యక్రమాలు పూర్తి చేసుకున్న ఈ చిత్రం రిలీజ్ కు రెడీ అయింది.

ఈరోజు గణేశ చతుర్థి సందర్భంగా 'బనారస్' మూవీ విడుదల తేదీని ప్రకటించారు మేకర్స్. నవంబర్ 4వ తేదీన ప్రపంచవ్యాప్తంగా తెలుగు, తమిళం, కన్నడ, హిందీ మరియు మలయాళ భాషల్లో ఈ చిత్రాన్ని గ్రాండ్ గా పాన్ ఇండియా విడుదల చేయనున్నట్లు తెలిపారు.

ఈ సందర్భంగా చిత్ర బృందం వదిలిన అనౌన్స్ మెంట్ పోస్టర్ ఆకట్టుకుంటోంది. ఇందులో జైద్ ఖాన్ - సోనాల్ మోంటెరో జంట చూడముచ్చటగా ఉంది. అలానే బనారస్‌ లో తమ పడవ ప్రయాణాన్ని ఆస్వాదిస్తున్న ప్రధాన జంటను ఈ పోస్టర్ లో మనం చూడొచ్చు.

జైద్ ఖాన్ సినీ రంగ ప్రవేశానికి ముందు నటుడిగా మారడానికి అన్ని నైపుణ్యాలను నేర్చుకున్నాడని తెలుస్తోంది. దీని కోసం అనుపమ్ ఖేర్ యాక్టింగ్ స్కూల్ లో శిక్షణ పొందాడు. ఈ క్రమంలో 'బనారస్‌' సినిమాతో హీరోగా ఎంట్రీ ఇవ్వడానికి రెడీ అయ్యాడు.

ఇప్పటికే విడుదలైన 'బనారస్' ఫస్ట్​ లుక్​ మరియు మోషన్​ పోస్టర్​ అందరిలో ఆసక్తిని రేకెత్తించింది. అలానే సుకుమార్ లాంచ్ చేసిన 'మాయ గంగా' అనే ఫస్ట్ సింగిల్ ప్రేక్షకులను విశేషంగా అలరించింది. ఇప్పుడు రిలీజ్ డేట్ అనౌన్స్ చేయడంతో ప్రమోషన్స్ స్పీడ్ పెంచనున్నారు.

ఈ సినిమాలో నారాయణ రాజ్ - సుజయ్ శాస్త్రి - దేవరాజ్ - అచ్యుత్ కుమార్ - బర్కత్ అలీ - సప్నా రాజ్ తదితరులు ఇతర ప్రధాన పాత్రలు పోషిస్తున్నారు. బి. అజనీష్ లోక్‌నాథ్ సంగీతం సమకూర్చారు. అద్వైత గురుమూర్తి సినిమాటోగ్రఫీ నిర్వహించగా.. కేఎమ్ ప్రకాష్ ఎడిటింగ్ వర్క్ చేశారు.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.