బుట్టబొమ్మ కాస్త ఆలస్యం.. కారణం ఇదే!

అనికా సురేంద్రన్‌ హీరోయిన్‌ గా సూర్య మరియు అర్జున్‌ దాస్ లు కీలక పాత్రలో నటించిన 'బుట్టబొమ్మ' సినిమా ముందుగా అనుకున్న ప్రకారం జనవరి 26న గణతంత్ర దినోత్సవం సందర్భంగా విడుదల అవ్వాల్సి ఉంది. కానీ సినిమాను వారం ఆలస్యంగా విడుదల చేయబోతున్నట్లు అధికారికంగా ప్రకటన వచ్చింది.

పలు తమిళ డబ్బింగ్‌ సినిమాల్లో కనిపించి అనికా ఇప్పటికే తెలుగు ప్రేక్షకుల్లో మంచి గుర్తింపు దక్కించుకుంది. చిన్న అమ్మాయిగా అనికా ఉన్నప్పటి నుండి తెలుగు ప్రేక్షకులు చూస్తున్నారు. ఇప్పుడు హీరోయిన్‌ గా ఎంట్రీ ఇస్తున్న నేపథ్యంలో బుట్టబొమ్మ సినిమా కోసం ఆసక్తిగా ఎదురు చూస్తున్నారు.

శౌరి చంద్రశేఖర్‌ టి రమేష్ ఈ సినిమాకు దర్శకత్వం వహించారు. ప్రముఖ నిర్మాణ సంస్థ సితార ఎంటర్‌ టైన్మెంట్స్‌ వారు ఈ సినిమాను ఫార్చ్యూన్‌ ఫోర్‌ బ్యానర్‌ తో కలిసి నిర్మించారు. ఈ మధ్య కాలంలో సితార ఎంటర్ టైన్మెంట్స్ వారి సినిమాలకు మంచి ఆదరణ లభిస్తోంది.

కంటెంట్‌ ఉన్న సినిమాలను సితార వారు తీసుకు వస్తున్నారు అనే ఉద్దేశ్యంతో ప్రేక్షకులు ఆసక్తి చూపిస్తున్నారు. అందుకే బుట్ట బొమ్మ సినిమాపై కూడా అంచనాలు భారీగా ఉన్నాయి. ఒక విభిన్నమైన రొమాంటిక్ థ్రిల్లర్ గా ఈ సినిమా ఉంటుందని ఇప్పటికే విడుదల అయిన వీడియోలను చూస్తూ ఉంటే అర్థం అవుతుంది.

జనవరి 26వ తారీకున ఈ సినిమాను విడుదల చేయాలి అనుకున్నప్పటికీ ఆ రోజు చాలా సినిమాలు విడుదలకు సిద్ధంగా ఉన్నాయి. అంతటి పోటీలో రావడం సరైన నిర్ణయం కాదు అన్నట్లుగా భావించిన మేకర్స్‌ ఫిబ్రవరి 4వ తారీకున విడుదల చేసేందుకు ప్లాన్‌ చేశారు. కొత్త రిలీజ్ డేట్‌ తో ఒక పోస్టర్‌ ను విడుదల చేశారు. ఆ పోస్టర్‌ సినిమాపై మరింత ఆసక్తి కలిగిస్తోంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.