చైతూ తమిళ్ డెబ్యూ పై లేటెస్ట్ అప్డేట్..!

ఈ ఏడాది ప్రారంభంలో 'బంగార్రాజు' సినిమాతో సక్సెస్ అందుకున్న అక్కినేని నాగచైతన్య.. 'థాంక్యూ' 'లాల్ సింగ్ చద్దా' వంటి బ్యాక్ టూ బ్యాక్ రెండు ప్లాప్స్ చవిచూశారు. దీంతో తదుపరి చిత్రంతో సాలిడ్ కమ్ బ్యాక్ ఇవ్వాలని అభిమానులు కోరుకుంటున్నారు. ఈ నేపథ్యంలో చైతూ ఓ బైలింగ్విల్ మూవీ చేయడానికి రెడీ అవుతున్నారు.

కోలీవుడ్ డైరెక్టర్ వెంకట్ ప్రభు దర్శకత్వంలో నాగ చైతన్య తెలుగు తమిళ భాషల్లో ఓ సినిమా చేయనున్న సంగతి తెలిసిందే. ఇది చైతూ కి తొలి ద్విభాషా చిత్రం.. కెరీర్ లో 22వ సినిమా. ఇప్పటికే ఈ ప్రాజెక్ట్ ని లాంఛనంగా ప్రారంభించారు. తాజాగా మేకర్స్ ఈ చిత్రానికి సంబంధించిన అప్డేట్ అందించారు.

#NC22 చిత్రానికి మ్యాస్ట్రో ఇళ‌య‌రాజా మరియు యువ‌న్ శంక‌ర్ రాజా కలిసి సంగీతం సమకూరుస్తున్నారు. అయితే యువన్ మ్యూజిక్ వర్క్ స్టార్ట్ చేసినట్లు తెలుస్తోంది. ఈ విషయాన్ని దర్శకుడు వెంకట్ ప్రభు ట్విట్టర్ వేదికగా వెల్లడించారు.

''మా యంగ్ మాస్ట్రో యువన్ శంకర్ రాజా #NC22 కోసం తన మ్యాజిక్ ప్రారంభించాడు'' అని వెంకట్ ప్రభు ట్వీట్ లో పేర్కొన్నారు. తెలుగులో తండ్రీకొడుకులు ఇళయరాజా & యువన్ కలిసి మ్యూజిక్ కంపోజ్ చేస్తున్న ఈ సినిమాపై అందరిలో మంచి అంచనాలు నెలకొన్నాయి.

NC22 చిత్రంలో నాగ‌చైత‌న్య‌కు జోడీగా యంగ్ బ్యూటీ కృతిశెట్టి హీరోయిన్‌ గా న‌టిస్తుంది. ఇందులో చైతన్య పోలీస్ ఆఫీసర్ గా కనిపించనున్నాడు. ఫ్యాన్స్ కోరుకునే మాస్ మరియు యాక్షన్ అంశాలు కలబోసి ఈ చిత్రాన్ని తెరకెక్కిస్తున్నారు.

పవన్ కుమార్ సమర్పణలో శ్రీనివాస సిల్వ‌ర్ స్క్రీన్‌ ప‌తాకంపై శ్రీనివాస్ చిట్టూరి భారీ స్థాయిలో ఈ చిత్రాన్ని నిర్మిస్తున్నారు. ఈ సినిమాకు సంబంధించిన మిగిలిన తారాగణం మరియు సిబ్బంది వివరాలు త్వరలో వెల్లడి కానున్నాయి.

'గోవా' 'సరోజ' 'గ్యాంబ్లర్' 'రాక్షసుడు' వంటి సినిమాలతో తెలుగు ప్రేక్షకులను అలరించిన వెంకట్ ప్రభు.. చివరగా 'మానాడు' చిత్రంతో బ్లాక్ బస్టర్ అందుకున్నారు. ఇప్పుడు నాగచైతన్య తో స్ట్రెయిట్ తెలుగు సినిమా చేస్తూ టాలీవుడ్ లో ఎంట్రీ ఇస్తున్నారు. మరి ఈ సినిమా వీపీ మరియు చైతూ కి ఎలాంటి విజయాన్ని అందిస్తుందో చూడాలి.