బొమ్మరిల్లు హాసిని రీ ఎంట్రీ ఇంట్రెస్టింగ్ అప్డేట్‌

బొమ్మరిల్లు సినిమా తో పాటు టాలీవుడ్ లో పలు సినిమాల్లో నటించి మెప్పించిన జెనీలియా బాలీవుడ్‌ కు వెళ్లి అక్కడి హీరో ను వివాహం చేసుకుని అక్కడ ఇక్కడ సినిమాకు దూరం అయ్యింది. ఇప్పుడు ఇద్దరు కొడుకులకు జెనీలియా తల్లి. ఇద్దరు పిల్లలు అయ్యి.. వారు కాస్త పెద్ద వారు అయిన తర్వాత మళ్లీ జెనీలియా నటిగా ఇండస్ట్రీలో అడుగు పెట్టేందుకు సిద్ధం అయ్యింది.

బాలీవుడ్‌ లో ఎంట్రీ కోసం చాలా రోజులుగా జెనీలియా ప్రయత్నాలు చేస్తున్నట్లుగా వార్తలు వచ్చాయి. సోషల్‌ మీడియాలో హడావుడి చేయడం లేదంటే.. మీడియాలో కనిపించి సినిమాల్లో రీ ఎంట్రీకి సిద్ధం అన్నట్లుగా హింట్స్ ఇవ్వడం చేసింది. దాంతో బొమ్మరిల్లు హాసిని రీ ఎంట్రీ కన్ఫర్మ్‌ అంటూ ఆమె అభిమానులు చాలా రోజులుగా ఆసక్తిగా ఎదురు చూస్తున్నారు. ఇటీవలే ఆమె సినిమా కన్ఫర్మ్‌ అయ్యింది.. ఆ సినిమా పూజా కార్యక్రమాలు కూడా జరిగాయి.

ప్రముఖ వ్యాపారవేత్త గాలి జనార్థన్ రెడ్డి తనయుడు అయిన గాలి కిరీటి హీరోగా ఎంట్రీ ఇవ్వబోతున్న సినిమా లో జెనీలియా నటించబోతుంది. కిరీటికి జోడీగా పెళ్లిసందడి బ్యూటీ శ్రీలీలా హీరోయిన్ గా నటిస్తుంది. జెనీలియా ఈ సినిమా లో చాలా పవర్‌ ఫుల్‌ రోల్‌ లో కనిపించబోతున్నట్లుగా యూనిట్‌ సభ్యుల నుండి అత్యంత విశ్వసనీయ సమాచారం అందుతోంది.

హీరోయిన్ గా ఒకప్పుడు ఎన్నో సినిమా లు చేసిన జెనీలియా ఇప్పుడు చిన్నా చితకా పాత్రలు చేస్తే ఒప్పుకునే పరిస్థితి లేదు. తప్పకుండా హీరోయిన్ కాకున్నా ఆ స్థాయి లో పాత్ర లు ఉండాలని ఆమె అభిమానులు అనుకుంటున్నారు. అందుకు తగ్గట్లుగానే ఈ సినిమాలోని ఆమె పాత్ర ఉంటుందనే వార్తలు వస్తున్నాయి.

ఒక సాఫ్ట్ వేర్‌ కంపెనీ సీఈవో పాత్రలో జెనీలియా ఈ సినిమాలో కనిపించబోతున్నట్లుగా యూనిట్‌ సభ్యుల ద్వారా తెలుస్తోంది. సినిమాలో హీరోయిన్ కు ఏమాత్రం తగ్గకుండా అత్యంత పవర్‌ ఫుల్‌ గానే ఉంటుందని యూనిట్‌ సభ్యులు చెబెతున్నారు.

తెలుగు మరియు కన్నడంలో రూపొందుతున్న ఈ సినిమా ను ఈ ఏడాది చివర్లో ప్రేక్షకుల ముందుకు తీసుకు రాబోతున్నారు. జెనీలియా ఉండటం వల్ల సినిమా పై తెలుగు ప్రేక్షకుల్లో ఆసక్తి నెలకొని ఉంది. మరి సినిమా ఎలా ఉంటుంది.. జెనీలియా రీఎంట్రీ ఎలా ఉంటుంది అనేది చూడాలి.