కార్తీ సర్దార్.. ఎంతవరకు వచ్చిందంటే?

కోలీవుడ్ స్టార్ ప్రముఖ నటుడు కార్తీ చివరగా సుల్తాన్ సినిమాలో కనిపించిన విషయం తెలిసిందే. ఈ సినిమా ఓ వర్గం ప్రేక్షకులను బాగానే ఆకట్టుకున్నప్పటికి కూడా బాక్సాఫీస్ వద్ద మాత్రం పూర్తిస్థాయిలో టార్గెట్ ను అందుకోలేక పోయింది.

దీంతో ఈ సినిమాతో ఎలాగైనా బాక్సాఫీస్ వద్ద మంచి విజయాన్ని అందుకోవాలని సిద్ధమవుతున్నారు. కార్తి నెక్స్ట్ సినిమా సర్దార్ భారీ అంచనాలతో తమిళ ప్రేక్షకుల ముందుకు రానుంది.

సర్దార్ సినిమాను పీఎస్.మిత్రన్ డైరెక్ట్ చేస్తున్నాడు. ఇక సినిమాను దీపావళికి విడుదల చేసే అవకాశం ఉంది. సినిమాలో కార్తీ ఒకవైపు పవర్ఫుల్ పోలీస్ ఆఫీసర్ గా కనిపిస్తూనే మరొకవైపు విలన్స్ తో పోట్లాడే కామన్ మెన్ గా కూడా దర్శనమిస్తాడు అని సమాచారం. అయితే ఈ సినిమా షూటింగ్ విషయానికి వస్తే ఇప్పటికే సగానికిపైగా పూర్తయింది. ఇక మిగిలిన షూటింగ్ వీలైనంత త్వరగా పూర్తి చేయాలని అనుకుంటున్నారు

భారతదేశంలో మేకర్స్ అజర్‌ బైజాన్ పార్లమెంటులో కొన్ని సన్నివేశాలను చిత్రీకరించిన మొదటి సినిమా ఇదే కావడం విశేషం. ఇక ప్రభాస్ సాహో లో విలన్‌గా నటించిన చుంకీ పాండే ఈ యాక్షన్ సినిమాలో విలన్‌గా నటిస్తున్నాడు. ఇక రీసెంట్ గా జార్జియాలో కూడా ఓ కీలకమైన షెడ్యూల్ ను పూర్తిచేశారు. యాక్షన్ సన్నివేశాల కోసం నిర్మాతలు దాదాపు నాలుగు కోట్ల వరకు ఖర్చు చేసినట్లు తెలుస్తోంది.

ఆ సింగిల్ ఎపిసోడ్ సినిమా మొత్తంలో కూడా చాలా హైలెట్గా నిలుస్తుందని ఇక పొలిటికల్ అంశాలు కూడా ఈ సినిమాలో చాలా బలంగా చూపించబోతున్నట్లు సమాచారం. ఇక సర్దార్‌ సినిమాలో రాశి ఖన్నా, లైలా, రజిషా విజయన్ కథానాయికలు గా నటిస్తున్నారు. ప్రిన్స్ పిక్చర్స్ పతాకంపై లక్ష్మణ్ కుమార్ నిర్మిస్తున్న ఈ సినిమా షూటింగ్ ప్రస్తుతం చెన్నైలో జరుగుతోంది.

ఇక ఫైనల్ గా సర్దార్ సినిమాను 2022 దీపావళికి విడుదల చేసేందుకు మేకర్స్ ప్లాన్ చేస్తున్నారు. ఇక కార్తీ ఈ సినిమాతో ఎంతవరకు సక్సెస్ ని అందుకుంటుందో చూడాలి. చివరగా కార్తీ ఖైదీ సినిమా తో మాత్రమే కమర్షియల్ గా సక్సెస్ అందుకున్నాడు. దీంతో ఈ సినిమా అతనికి చాలా ముఖ్యం కానుంది.