'మసూద' కు మైండ్ బ్లోయింగ్ కలెక్షన్స్..!

'మళ్ళీ రావా' మరియు 'ఏజెంట్ సాయి శ్రీనివాస ఆత్రేయ' సినిమాలతో మంచి అభిరుచి గల నిర్మాత అనిపించున్న రాహుల్ యాదవ్ నక్కా.. ఇప్పుడు ''మసూద'' వంటి హారర్ థ్రిల్లర్ సినిమాతో వచ్చారు. సంగీత - తిరువీర్ - కావ్యా కళ్యాణ్ రామ్ ప్రధాన పాత్రల్లో నటించిన ఈ చిత్రం గత శుక్రవారం థియేటర్లలో విడుదలైంది.

ప్రమోషనల్ కంటెంట్ తోనే అందరి దృష్టిని ఆకర్షించిన ''మసూద'' సినిమాకి ప్రేక్షకుల నుంచి మంచి రెస్పాన్స్ వస్తోంది. హారర్ కంటే హారర్ కామెడీలు ఎక్కువైన రోజుల్లో.. అసలైన హారర్ ఎక్స్‌ పీరియన్స్ ఇచ్చిందని ఆడియన్స్ అంటున్నారు. సినిమా నిడివి ఎక్కువ అయిందనే ఇష్యూ తప్పితే.. మిగతా అంతా బాగానే ఉందని చెబుతున్నారు.

గత వారం రిలీజైన చిత్రాల్లో 'మసూద' కే మంచి టాక్ వచ్చింది. దీనికి తగ్గట్టుగానే బాక్సాఫీస్ వద్ద అన్ని సినిమాల కంటే మెరుగ్గా పెరఫార్మ్ చేస్తోంది. మౌత్ టాక్ బాగుండటంతో.. కలెక్షన్లు రోజురోజుకూ పెరుగుతూ వచ్చాయని తెలుస్తోంది. అక్కినేని హీరో సుమంత్ లాంటి పలువురు సినీ ప్రముఖులు ఈ సినిమాని ప్రశంసిస్తూ ట్వీట్స్ పోస్ట్ చేసారు.

'మసూద' సినిమాకు వస్తున్న రెస్పాన్స్ చూసి ఆంధ్రప్రదేశ్ మరియు తెలంగాణాలలో చాలా ఏరియాల్లో స్క్రీన్స్ పెంచారని తెలుస్తోంది. దీంతో ఈ చిత్రానికి మొదటి రోజు వచ్చిన వసూళ్ల కంటే రెండో రోజు ఎక్కువ వచ్చాయి. సెకండ్ డే కంటే మూడో రోజు ఆదివారం కలెక్షన్స్ అధికంగా ఉన్నాయి. ఒక్క నైజాంలోనే ఒక కోటికిపైగా రాబట్టింది.

ఓవరాల్ గా ఫస్ట్ వీకెండ్ లోనే 'మసూద' మేకర్స్ ప్రాఫిట్ జోన్ లోకి వచ్చేసినట్లుగా ట్రేడ్ వర్గాలు చెబుతున్నాయి. అయితే ఈ చిన్న సినిమాకి అసలు పరీక్ష ఈరోజు మొదలవుతుంది. మండే టెస్ట్ పాస్ అయిపోతే ఈ వారంలో మరిన్ని కలెక్షన్స్ వచ్చే చేరే అవకాశం ఉంటుంది. మరి ఈ హారర్ చిత్రం బాక్సాఫీస్ వద్ద రాబోయే రోజుల్లో ఎలాంటి ప్రభావం చూపిస్తుందో చూడాలి.

'మసూద' సినిమాతో సాయి కిరణ్ అనే కొత్త దర్శకుడు ఇండస్ట్రీకి పరిచయం అయ్యాడు. స్వధర్మ్ ఎంటర్టైన్మెంట్ బ్యానర్ లో రూపొందిన ఈ చిత్రాన్ని ఎస్విసి సంస్థ ద్వారా అగ్ర నిర్మాత దిల్ రాజు విడుదల చేసారు. ఈ చిత్రానికి నగేష్ బానెల్ సినిమాటోగ్రఫీ నిర్వహించగా.. ప్రశాంత్ ఆర్. విహారి సంగీతం సమకూర్చారు.

ఇందులో తిరువూరు - సంగీత - కావ్య - అఖిల రామ్ తమ తమ పాత్రల్లో ఆకట్టుకున్నారు. శుభలేఖ సుధాకర్ - సత్యప్రకాష్ - సత్యం రాజేష్ - బాంధవి శ్రీధర్ - సూర్యారావు - సురభి ప్రభావతి తదితరులు ఈ సినిమాలో ఇతర పాత్రల్లో నటించారు.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.