మెగా 'గాడ్‌ ఫాదర్‌' ను ఇలా ముగించబోతున్నారట!

మెగా స్టార్‌ చిరంజీవి చేస్తున్న మలయాళ సూపర్‌ హిట్‌ లూసీఫర్‌ రీమేక్ 'గాడ్‌ ఫాదర్‌' పై అంచనాలు భారీ గా ఉన్నాయి. మోహన్‌ రాజా దర్శకత్వంలో రూపొందుతున్న ఈ సినిమా షూటింగ్‌ సుదీర్ఘ కాలంగా కొనసాగుతుంది. కరోనా ఇతర కారణాల వల్ల షూటింగ్ చాలా ఆలస్యం అయ్యింది. ఇప్పటికే ఆలస్యం అయిన షూటింగ్ ను మరింత ఆలస్యం చేయకుండా ఈ నెలలో ముగించబోతున్నారట.

విశ్వసనీయంగా అందుతున్న సమాచారం ప్రకారం ఈ సినిమా ను దసరా కానుకగా విడుదల చేయడం కోసం క్లైమాక్స్ షూట్ ను చకచక చేస్తున్నారట. బ్యాలన్స్ ఉన్న క్లైమాక్స్ భారీ యాక్షన్‌ సన్నివేశాలను ప్రస్తుతం చిత్రీకరిస్తున్నారని.. ఈ షెడ్యూల్‌ లో చిరంజీవితో పాటు సత్యదేవ్‌ మరియు సల్మాన్‌ ఖాన్ కూడా పాల్గొంటున్నట్లుగా తెలుస్తోంది.

ఈ యాక్షన్‌ సన్నివేశంతో సినిమా దాదాపుగా పూర్తి అయినట్లే. రెండు మూడు రోజుల ప్యాచ్‌ వర్క్ తో షూటింగ్‌ కు గుమ్మడి కాయ కొట్టి సినిమా కు సంబంధించిన పోస్ట్‌ ప్రొడక్షన్ వర్క్ ను ఆగస్టు లో లేదా సెప్టెంబర్‌ మొదటి వారంకు పూర్తి చేసేలా ప్లాన్‌ చేస్తున్నట్లుగా సమాచారం అందుతోంది. ఈ భారీ యాక్షన్‌ సన్నివేశం లో పెద్ద ఎత్తున ఫైటర్స్ పాల్గొంటున్నారట.

చిరంజీవి మరియు ముఖ్య నటీ నటులు పాల్గొంటున్న ఈ భారీ యాక్షన్ సన్నివేశం కు సంబంధించిన ఒక ఆన్ లొకేషన్ పిక్‌ లీక్ అయ్యింది. అది సినిమాపై మరింత అంచనాలు పెంచే విధంగా ఉంది. సోషల్‌ మీడియాలో లీక్ అయిన ఆ పిక్ ను యూనిట్‌ సభ్యులు వెంటనే డిలీట్‌ చేయించగలిగారు. అయినా కూడా వైరల్‌ అవుతూనే ఉందని మెగా ఫ్యాన్స్ అంటున్నారు.

ఈ సినిమా లో చిరంజీవి తో పాటు నయనతార కీలక పాత్రలో కనిపించబోతుంది. ఇంకా ఈ సినిమా లో సత్యదేవ్‌.. సల్మాన్‌ ఖాన్‌.. పూరి జగన్నాధ్‌.. సునీల్‌.. బీజు మీనన్‌ తదితరులు కీలక పాత్రల్లో కనిపించబోతున్నారు. ఈ సినిమాకు మ్యూజిక్ సంచలనం తమన్ సంగీతాన్ని అందిస్తున్నాడు.

ఇప్పటి వరకు ఈ సినిమా యొక్క విడుదల తేదీ పై క్లారిటీ ఇవ్వలేదు. షూటింగ్‌ కు గుమ్మడి కాయ కొట్టిన వెంటనే విడుదల తేదీని అనౌన్స్ చేసే అవకాశాలు ఉన్నాయి.