రాజు గారి రొమాంటిక్ మూవీ డేట్ ఫిక్స్‌

ఒక్కడు.. వర్షం.. నువ్వొస్తానంటే నేనొద్దంటానా సినిమాలతో స్టార్‌ నిర్మాతగా పేరు దక్కించుకున్న ఎంఎస్ రాజు ఈమద్య కాలంలో దర్శకుడిగా సినిమాలు చేస్తున్న విషయం తెల్సిందే. నిర్మాతగా ఫ్యామిలీ ఓరియంటెడ్ సినిమాలను నిర్మించిన రాజు గారు దర్శకుడిగా మాత్రం కాస్త యూత్‌ ఫుల్ ఎంటర్ టైన్మెంట్స్ ను.. రొమాంటిక్ డ్రామాలను తెరకెక్కిస్తూ యూత్‌ ప్రేక్షకులను టార్గెట్‌ చేస్తున్నాడు.

ఇటీవల కాలంలో ఎంఎస్ రాజు సినిమా అంటే బూతు అన్నట్లుగా ఒక టాక్ ఏర్పడింది. అలాంటి ఒక రొమాంటిక్ సినిమా నే '7 డేస్ 6 నైట్స్‌'. ఇప్పటికే విడుదల అయిన పోస్టర్స్ మరియు టీజర్‌ ట్రైలర్స్ సినిమాపై ఆసక్తి పెంచాయి.

ముఖ్యంగా యూత్‌ ఆడియన్స్ లో ఒకరకమైన ఫీల్‌ ను ఈ సినిమా కలిగించబోతుందనే టాక్ వినిపిస్తుంది. సినిమా టైటిల్‌ లోనే చాలా మ్యాటర్‌ ఉందనే టాక్‌ వినిపిస్తుంది.

సుమంత్‌ అశ్విన్‌ హీరోగా మెహర్‌ చాహల్.. రోహన్.. కృతిక శెట్టి కీలక పాత్రల్లో నటించిన 7 డేస్‌ 6 నైట్స్ సినిమా విడుదల తేదీ విషయంలో ఒక క్లారిటీ ఇచ్చారు. జూన్‌ 24వ తారీకున సినిమాను విడుదల చేయబోతున్నట్లుగా అధికారికంగా ప్రకటన వచ్చింది. సినిమా ను చాలా రోజుల క్రితమే ముగించినా కూడా కాస్త మెల్లగా ప్రేక్షకుల ముందుకు తీసుకు వచ్చే ఉద్దేశ్యంతో ఇన్నాళ్లు వాయిదా వేస్తూ వచ్చారు.

హీరోగా సుమంత్‌ అశ్విన్‌ ఎంట్రీ ఇచ్చి చాలా కాలం అయ్యింది. కాని ఇప్పటి వరకు ఒక మంచి కమర్షియల్‌ హిట్‌ ను కూడా దక్కించుకోలేక పోయాడు. హీరోగా నిలదొక్కుకునేందుకు తీవ్రంగా ప్రయత్నాలు చేస్తున్నాడు. ఈ సమయంలో తండ్రి దర్శకత్వంలోనే సుమంత్‌ అశ్విన్‌ చేసిన ఈ సినిమా ఏమైనా కమర్షియల్‌ గా ఆయన కెరీర్ కు ఉపయోగంగా మారుతుందా అనేది చూడాలి.

తండ్రి కొడుకులకు ఈ సినిమా అత్యంత కీలకంగా మారింది. సుమంత్‌ అశ్విన్‌ లుక్‌ ఈ సినిమాలో చాలా విభిన్నంగా ముంది. పొడవాటి జుట్టు మరియు బాగా పెరిగిన గడ్డంతో సుమంత్‌ అశ్విన్ కనిపించబోతున్నాడు. ఇలాంటి ఒక విభిన్నమైన లుక్‌ లో సుమంత్‌ అశ్విన్‌ ను ప్రేక్షకులు ఎలా రిసీవ్ చేసుకుంటారు అనేది చూడాలి. సినిమా పై యూత్‌ లో ఉన్న ఆసక్తి నేపథ్యంలో భారీ ఎత్తున ప్రమోట్‌ చేసి విడుదల చేసే అవకాశాలు ఉన్నాయి.