చ‌ర‌ణ్.. బ‌న్నీ వేలో నేచుర‌ల్ స్టార్!

నేచుర‌ల్ స్టార్ నానికి స‌రైన హిట్ ప‌డి మూడేళ్లు అవుతుంది. 'జెర్సీ' త‌ర్వాత 'శ్యామ్ సింఘ‌రాయ్' తో విమ‌ర్శ‌కుల ప్ర‌శంస‌లు అందుకున్నా రెండు బాక్సాఫీస్ వ‌ద్ద మోత మోగించిన చిత్రాలు కాదు. హీరోగా పేరు అయితే వ‌చ్చింది గానీ...నిర్మాత‌కు కాసులు రాల‌లేదు. దీంతో నాని మార్కెట్ ఒక్క‌సారిగా డౌన్ అయింది. న‌ల‌భై కోట్లు షేర్ తేగ‌ల హీరో ఇప్పుడు 20 కోట్లు షేర్ తేవ‌డం కూడా క‌ష్టం గా మారింది.

నేచురల్ స్టార్ అనే ట్యాగ్ బాక్సా ఫీస్ వ‌ద్ద కాసులు రాబ‌ట్ట‌డంలో ఏమాత్రం వ‌ర్కౌట్ అవ్వ‌డం లేదు. గ‌డిచిన మూడేళ్ల‌లో ఐదు సినిమాలు చేసాడు. వాటిలో ఏది కూడా స‌క్సెస్ సాధించ‌లేదు. అన్ని భారీ అంచ‌నాల మ‌ధ్య రిలీజ్ అయిన‌వే. కానీ ఎక్క‌డా నాని బ్రాండ్ వ‌ర్కౌట్ అవ్వ‌లేదు. వాటిలో రెండు చిత్రాలు విమ‌ర్శ‌కుల ప్ర‌శంస‌లు అందుకోవ‌డం వ‌ర‌కే ప‌రిమితం.

మిగ‌తా వాటి గురించి చెప్పాల్సిన ప‌నిలేదు. ప్ర‌స్తుతం నాని శ్రీకాంత్ ఓదెల ద‌ర్శ‌క‌త్వంలో 'ద‌సరా' అనే సినిమా చేస్త‌న్నాడు. నాని కెరీర్ లో తొలి భారీ బ‌డ్జెట్ చిత్ర‌మిది. ప‌క్కా మాస్ రోల్ లో న‌టిస్తున్నాడు. నాని ఇంత వ‌ర‌కూ ఇలాంటి పాత్ర పోషించ‌లేదు. తెలంగాణ నేపథ్యంలో సాగే స్టోరీ ఇది . ఇప్పుడీ నాని ఆశ‌ల‌న్ని ఈ సినిమాపైనే పెట్టుకున్నాడు.

అయితే ఇక్క‌డే నాని ఓ సెంటిమెంట్ ని సైతం బ‌లంగా న‌మ్ముతున్న‌ట్లు తెలుస్తోంది. ఇలాంటి ఊర మాస్ రోల్స్ పోషించిన రామ్ చ‌ర‌ణ్‌..బ‌న్నీ వాటితోనే భారీ స‌క్సెస్లు ఖాతాలో వేసుకున్నారు. 'రంగ‌స్థ‌లం'లో రామ్ చ‌ర‌ణ్ చిట్టిబాబు పాత్ర‌తో బాక్సాఫీస్ ని షేక్ చేసిన సంగ‌తి తెలిసిందే. అటుపై స్టైలిష్ స్టార్ అల్లు అర్జున్ పుష్ప లో అలాంటి ఊర మాస్ పాత్ర పో షించి పాన్ ఇండియా స్టార్ అయ్యాడు.

ఇప్పుడు నాని సైతం అదే సెంటిమెంట్ తో 'ద‌స‌రా'లో మాస్ రోల్ కి పిక్సై ప్రేక్ష‌కుల ముందుకు రాబోతున్నాడు. ఇప్ప‌టికే రిలీజ్ అయిన ప్రచార‌ చిత్రాల‌తో సినిమాకి అన్ని వైపులా పాజిటివ్ బ‌జ్ క్రియేట్ అవుతుంది.

ఈ నేప‌థ్యంలో ద‌స‌రాతో నాని గ‌ట్టిగానే కొడ‌తాడు అన్న అంచ‌నాలు మొద‌ల‌య్యాయి. మ‌రి చ‌ర‌ణ్‌..బ‌న్నీలా స‌క్సెస్ అందుకుని వాళ్ల స‌ర‌స‌న నిలుస్తాడా? లేదా? అన్న‌ది తేలాలంటే వ‌చ్చే మార్చ్ వ‌ర‌కూ వెయిట్ చేయాల్సిందే.