పుష్ప సీక్వెల్ - 3 ఇదే అసలు నిజం!

అల్లు అర్జున్ సుకుమార్ కాంబినేషన్లో వచ్చిన పుష్ప మొదటి భాగం ఏ స్థాయిలో విజయాన్ని అందుకుందో ప్రత్యేకంగా చెప్పనవసరం లేదు. ఇక సెకండ్ పార్ట్ అంతకుమించి అనేలా ఉంటుంది అని చిత్ర యూనిట్ సభ్యులు ప్రతిసారి కూడా అంచనాలు పెంచేస్తున్నారు. అంతేకాకుండా ఈ సినిమా సెకండ్ పార్ట్ కోసం ఎంత ఆత్రుతగా ఎదురు చూస్తున్నట్లు మరి కొంత మంది బాలీవుడ్ సెలబ్రిటీలు సైతం స్పందిస్తూ ఉండడం హాట్ టాపిక్ గా మారిపోయింది.

ఈ క్రమంలో పుష్ప 2 లో కొంతమంది ప్రముఖ హిందీ నటులు కూడా నటించబోతున్నట్లు గత కొంతకాలంగా అనేక రకాల రూమర్స్ అయితే వినిపిస్తున్నాయి. ముఖ్యంగా బాలీవుడ్ సీనియర్ నటుడు అనుపమ్ ఖేర్ తో పాటు అలాగే ప్రముఖ టాలెంటెడ్ నటుడు మనోజ్ బాజ్ పెయ్ కూడా ఈ సినిమాలో ప్రముఖ పాత్రలో కనిపించే అవకాశం ఉన్నట్లు టాక్ అయితే వచ్చింది.

అందుకు కారణం ఈ ఇద్దరు యాక్టర్స్ కూడా పుష్ప సినిమాపై పాజిటివ్ గా స్పందించడం. అయితే నిజానికి లేటెస్ట్ గా అందిన సమాచారం ప్రకారం అయితే ఈ నటులు ఎవరూ కూడా పుష్ప 2లో అయితే నటించడం లేదని తెలుస్తోంది. ఇక మరొకవైపు సినిమాకు మూడవ పార్ట్ కూడా ఉంటుంది అని ఆ మధ్య ఫాహాద్ ఫాజిల్ చెప్పినట్లుగా అనేక రకాల వార్తలు అయితే వచ్చాయి.

అయితే నిజానికి ప్రస్తుతం సుకుమార్ అనుకున్నా ప్లాన్ ప్రకారం అయితే మూడవ పార్ట్ లేదని తెలుస్తోంది. పుష్ప 2 దాదాపు కేజీఎఫ్ టూ తరహా ప్లాన్ తోనే తెరపైకి రాబోతుంది. ఇక ఈ క్రమంలో అప్పటి పరిస్థితులను అలాగే కథ కొనసాగింపును బట్టి మూడవ భాగం గురించి బహుశా ఫాహాద్ తో సుకుమార్ చర్చలు జరిపి ఉండవచ్చు. కానీ ఇంకా నిర్మాతలతో అలాగే హీరోతో కూడా పుష్ప 3 గురించి ఎలాంటి చర్చలు అయితే పెద్దగా జరగలేదని తెలుస్తోంది. మరి భవిష్యత్తులో సుకుమార్ ఎలాంటి ప్లాన్స్ సెట్ చేసుకుంటారో చూడాలి.