జపాన్ RRR రికార్డ్.. టాప్ ఇండియన్ మూవీగా..

ఇండియన్ బిగ్గెస్ట్ ఫ్యాన్ ఇండియా మూవీ గా ప్రేక్షకుల ముందుకు వచ్చిన RRR సినిమా ఎలాంటి కలెక్షన్స్ అందుకుందో ప్రత్యేకంగా చెప్పనవసరం లేదు. దర్శక ధీరుడు రాజమౌళి ఎంతో ప్రతిష్టాత్మకంగా తీర్చిదిద్దిన ఈ సినిమా కేవలం ఇండియన్ సినీ లవర్స్ ను మాత్రమే కాకుండా విదేశీ ప్రేక్షకులను కూడా ఎంతగానో ఆకట్టుకుంది. నెట్ ఫ్లిక్స్ లో ఈ సినిమాకు విదేశీ సినీ ప్రముఖుల నుంచి కూడా ప్రశంసలు దక్కాయి.

అయితే రీసెంట్ గా RRR సినిమాను జపాన్లో కూడా విడుదల చేసిన విషయం తెలిసిందే. అయితే అక్కడ కూడా ఈ సినిమాకు మంచి రెస్పాన్స్ అందుకోవడం విశేషం. ఇక రాజమౌళి తో పాటు హీరోలు రామ్ చరణ్, జూనియర్ ఎన్టీఆర్ కూడా అక్కడ ప్రమోషన్ చేసిన విధానం బాగా వైరల్ అయింది.

ఇక జపాన్‌లో RRR అద్భుతమైన కలెక్షన్స్ తో సరికొత్త రికార్డును క్రియేట్ చేసింది. ప్రతి వారం గడిచేకొద్దీ మంచి ఫుట్‌ఫాల్‌లను రికార్డ్ చేస్తోంది. జపాన్ లో RRR చిత్రం ఇప్పటి వరకు ¥185M వసూలు చేసింది.

ఆమిర్ ఖాన్ 3 ఇడియట్స్‌ కలెక్షన్స్ ను అధిగమించి జపాన్ లో అత్యధిక వసూళ్లను అందుకున్న మూడవ భారతీయ చిత్రంగా RRR నిలిచింది. ఈ చిత్రం మరో రెండు వారాల్లో బాహుబలి 2ని బీట్ చేసే అవకాశం ఉన్నట్లు అనిపిస్తోంది. ఇక ఆ తర్వాత ముత్తు పేరిట ఉన్న లాంగ్ స్టాండింగ్ రికార్డ్‌ను బద్దలుకొడుతుందని భావిస్తున్నారు. కానీ కలెక్షన్స్ రేంజ్ ఇంకాస్త పెరిగితే గాని తలైవా జపాన్ రికార్డును బ్రేక్ చేయలేరు.

మరో ఆసక్తికరమైన విషయం ఏమిటంటే, గత 30 సంవత్సరాలుగా జపాన్ దేశంలో టిక్కెట్ ధరలు పెరగలేదు. కాబట్టి RRR టిక్కెట్ ధరలు 27 సంవత్సరాల క్రితం విడుదలైన ముత్తు మాదిరిగానే ఉన్నాయి. ముత్తు సినిమా ¥400M వసూళ్ళను అందుకొని అప్పట్లో రికార్డును క్రియేట్ చేసింది.

ఇక బాహుబలి జపాన్ లో ¥300M వసూళ్ళను అందుకోగా ఇప్పుడు RRR ఆ సినిమాకు దగ్గరగా వెలుతోంది. సోషల్ మీడియాలో హడావుడి చూస్తుంటే RRR జపాన్ కలెక్షన్స్ ఇంకాస్త పెరిగే ఛాన్స్ అయితే ఉంది.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.