బ్రహ్మాస్త్ర లో బాద్‌ షా కనిపించేది ఎంత సేపు..!

బాలీవుడ్‌ ప్రేక్షకులతో పాటు దేశ వ్యాప్తంగా సినీ అభిమానులు ఆసక్తిగా ఎదురు చూస్తున్న చిత్రం 'బ్రహ్మాస్త్ర'. రణబీర్‌ కపూర్‌ హీరోగా ఆలియా భట్‌ హీరోయిన్‌ గా నటించిన ఈ సినిమా లో అమితాబచ్చన్‌.. నాగార్జున.. మౌని రాయ్ ఇంకా పలువురు ప్రముఖులు కీలక పాత్రల్లో కనిపించబోతున్నారు. ముఖ్యంగా ఈ సినిమా లో బాలీవుడ్‌ బాద్‌ షా షారుఖ్‌ ఖాన్‌ కీలకమైన గెస్ట్‌ రోల్‌ లో కనిపించబోతున్నాడు.

మొన్నటి వరకు ఈ విషయాన్ని సీక్రెట్‌ గా ఉంచారు. కానీ ఇటీవలే షారుఖ్‌ ఈ సినిమాలో ఉన్నాడు అనే విషయాన్ని రివీల్‌ చేస్తూ చిత్ర యూనిట్‌ సభ్యులు ఆసక్తికర విషయాలను వెళ్లడిస్తున్నారు. మొన్నటి వరకు ఈ సినిమా లో షారుఖ్‌ ఖాన్‌ మరీ మెరుపు తీగ లా ఇలా వచ్చి అలా వెళ్లి పోయే పాత్ర కాదని.. కనీసం 25 నుండి 30 నిమిషాల వరకు కనిపిస్తాడు అంటూ చెప్పుకొచ్చారు.

షారుఖ్ ఖాన్‌ బ్రహ్మాస్త్ర సినిమాలో అరగంట పాటు కనిపిస్తాడు అంటూ పెద్ద ఎత్తున ప్రచారం జరుగుతుంది. అయితే యూనిట్‌ సభ్యుల నుండి డైరెక్ట్‌ గా మీడియా ముందు మాత్రం ఆ విషయమై ఎలాంటి సమాచారం లేదు. తాజాగా సినిమాలో హీరోయిన్ గా నటించిన మౌని రాయ్ ఒక మీడియా సంస్థకు ఇచ్చిన ఇంటర్వ్యూలో ఆసక్తికర వ్యాఖ్యలు చేసి సినిమాపై మరింతగా అంచనాలు పెంచింది.

ఈ సినిమాలో షారుఖ్‌ ఖాన్‌ దాదాపుగా 30 నిమిషాలు కనిపించబోతున్నాడట నిజమేనా అంటూ అడిగిన ప్రశ్నకు ఆమె నిజమే అన్నట్లుగా సమాధానం చెప్పడంతో పాటు తప్పకుండా ఆయన పాత్ర సినిమాకు ప్రధాన ఆకర్షణ అన్నట్లుగా చెప్పుకొచ్చింది. ఆయన పాత్ర ఏంటి అంటే మాత్రం ఆమె నుండి సమాధానం రాలేదు.

మొత్తానికి బ్రహ్మాస్త్ర సినిమాలో షారుఖ్‌ ఖాన్ కాస్త ఎక్కువ సమయం ఉండటం వల్ల అభిమానులకు పండుగే. షారుఖ్‌ ఖాన్ చివరి సారి జీరో సినిమా తో ప్రేక్షకుల ముందుకు వచ్చాడు. ఆ సినిమా వచ్చి నాలుగు ఏళ్లకు పైగానే అయ్యింది.

ఆ సినిమా ప్లాప్ అవ్వడంతో షారుఖ్‌ సినిమాలకు బ్రేక్ తీసుకుని ఇప్పుడు బ్యాక్ టు బ్యాక్ సినిమాలతో ప్రేక్షకుల ముందుకు రాబోతున్నాడు. అందులో మొదటి సినిమా బ్రహ్మాస్త్ర కావడం విశేషం.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.