#గుస‌గుస‌.. ఇద్ద‌రు హీరోలు ఫ్రెగ్నెంట్స్

శుభ‌వార్త‌! ఇద్ద‌రు హీరోలు ఫ్రెగ్నెంట్స్.. త్వ‌ర‌లో పిల్ల‌ల్ని క‌న‌బోతున్నారు!! ఊప్స్.. ఇంత‌కీ ఎవ‌రా ఇద్ద‌రు హీరోలు? అనేగా మీ సందేహం..! ఇందులో ఒక‌రు రితేష్ దేశ్ ముఖ్.. ఇంకొక‌రు శ‌ర్మ‌న్ జోషి. ఇద్ద‌రూ బాలీవుడ్ హీరోలే. ఇప్పుడు త్రీ- ఇడియట్స్ ఫేం శ‌ర్మాన్ జోషి వెలుగులోకి వ‌చ్చాడు. అత‌డి ఫ్రెగ్నెన్సీ అంద‌రికీ షాకిస్తోంది. మ‌రి టాలీవుడ్ లో ఏ హీరో అవుతారు ఫ్రెగ్నెంట్? ప్ర‌స్తుతానికి ఇది స‌స్పెన్స్!

ఇటీవ‌ల అల్ల‌రి హాసిని జెనీలియా భ‌ర్త‌ రితేష్ దేశ్ ముఖ్ గ‌ర్భిణి అయ్యాన‌ని ప్ర‌క‌టించ‌గానే ఒక్క‌సారిగా అంతా షాక్ తిన్నారు. సరోగ‌సీలో బిడ్డ‌ను కంటున్నాడా? అస‌లు పిల్లల్ని క‌నేందుకు ఆడా మ‌గా తేడా అవ‌స‌రం లేదా? అంటూ ర‌క‌ర‌కాల సందేహాలు పుట్టుకొచ్చాయి. కానీ రితేష్ గ‌ర్భాన్ని మోస్తూ క‌నిపించిన పోస్ట‌ర్ బిగ్ షాకిచ్చింది. ఇది సినిమా కోసం ప్ర‌యోగ‌మే అయినా రియ‌ల్ లైఫ్ లో పాజిబులేనా? అంటూ కొత్త డౌట్లు రైజ్ చేసింది.

ఇంత‌లోనే ఇప్పుడు 3ఇడియ‌ట్స్ ఫేం శ‌ర్మ‌న్ జోషి కూడా ఫ్రెగ్నెంట్ అయ్యాడు. ఇది కూడా సినిమా కోస‌మే! గుజరాతీ చిత్రం 'కంగ్రాట్యులేషన్స్'లో శర్మన్ జోషి మునుపెన్న‌డూ చూడని కొత్త‌ అవతార్ లో క‌నిపించ‌నున్నాడు. తాజాగా ఫ్రెగ్నెన్సీతో ఉన్న‌ ఫస్ట్ లుక్ ను ఆవిష్కరించ‌గా అత‌డి అభిమానులు షాక్ తిన్నారు. ప్ర‌యోగాల పేరుతో ఆ ఇద్ద‌రు హీరోలు ఇలా షాక్ లిస్తున్నారేమిటో అంటూ ఇప్పుడు అంత‌ర్జాలంలో బిగ్ డిబేట్ మొద‌లైంది.

శ‌ర్మాన్ స్వ‌యంగా పోస్టర్ ను షేర్ చేస్తూ-''పేరెంట్ హుడ్ కి లింగం లేదు..! అభినందనలతో ఫస్ట్ లుక్ ఇదిగో..! 03 ఫిబ్రవరి 2023 నుండి సినిమాని థియేటర్లలో వీక్షించండి''అని వెల్ల‌డించాడు. 'కంగ్రాట్యులేష‌న్స్'అనే టైటిల్ తో వ‌స్తున్న‌ ఈ చిత్రానికి రచన - దర్శకత్వం రిహాన్ చౌద‌రి. జీగ‌ర్ చౌహాన్-వేదాంత్ నిర్మాత‌లు.

రితేష్ లానే శ‌ర్మాన్ కూడా గర్భవతి పాత్రలో కనిపించనుండ‌డం ఇప్పుడు టాక్ ఆఫ్ ది టౌన్. ప్ర‌తిభావంతుడైన న‌టులు నిండు గర్భిణిగా ఎలా న‌టించారో చూడాల‌న్న ఆస‌క్తి పెరిగింది. పేరెంట్ హుడ్ కి లింగం లేదు!! (పేరెంట్ హుడ్ హాజ్ నో జెండ‌ర్) అని రాసి ఉన్న‌ పసుపు రంగు టీ-షర్ట్ తో శ‌ర్మాన్ పోజులివ్వ‌గా.. రితేష్ ఇంత‌కుముందు లూజ్ టీష‌ర్ట్ తో ఫ్రెగ్నెంట్ గా క‌నిపించాడు. ఈ పోస్టర్ల‌ ను ఆవిష్కరించిన వెంటనే అభిమానులు పరిశ్రమ స్నేహితుల నుంచి శుభాకాంక్షలు వెల్లువెత్తాయి.

శ‌ర్మాన్ న‌టిస్తున్న‌ ఆస‌క్తిక‌ర ఫ్యామిలీ డ్రామాలో మానసి పరేఖ్ గోహిల్ కూడా ప్రధాన పాత్రలో నటిస్తోంది. జయేష్ బర్బహ్యా- అమీ భయాని- అర్చన్ త్రివేది- స్వాతి దవే ఇతర కీల‌క పాత్ర‌ధారులు. రెహాన్ చౌదరి దర్శకత్వం వహించిన 'కంగ్రాట్యులేష‌న్స్'ఫిబ్రవరి 3న సినిమా విడుదల కానుంది. 3 ఇడియట్స్-గోల్‌మాల్: ఫన్ అన్ లిమిటెడ్-రంగ్ దే బసంతి-మిషన్ మంగళ్ వంటి అనేక బ్లాక్ బ‌స్ట‌ర్ చిత్రాలలో న‌టించిన శర్మన్ కి ఉన్న పాపులారిటీ దృష్ట్యా ఇప్పుడు 'కంగ్రాట్యులేష‌న్స్'సినిమాపై భారీ అంచ‌నాలు పెరిగాయి.

ఒకేసారి ఒకే సీజ‌న్ లో ప్ర‌యోగం

న‌టుడు రితేష్ బాలీవుడ్ లో ప‌లు బ్లాక్ బ‌స్ట‌ర్ కామెడీ చిత్రాల్లో న‌టించాడు. ఇప్పుడు 'మిస్ట‌ర్ మ‌మ్మీ'గా ప్ర‌యోగాత్మక చిత్రంతో అంద‌రినీ ఆశ్చ‌ర్య‌ప‌రుస్తున్నాడు. అబ్బాయి అమ్మాయిలా గ‌ర్భం దాల్చితే ఆ త‌ర్వాత ఏం జ‌రిగింది? అనే ప్ర‌యోగాత్మ‌క‌ క‌థ‌తో 'మిస్ట‌ర్ మ‌మ్మీ'హిందీలో తెర‌కెక్కుతోంది. మ‌రాఠీలోను ఈ చిత్రం విడుద‌ల కానుంది. ఈ సినిమా ప్ర‌చారం ఇప్ప‌టికే ఊపందుకుంది. ఇంత‌కుముందు రితేష్ గ‌ర్భం దాల్చిన యువ‌కుడిగా క‌నిపించే ఫ‌స్ట్ లుక్ పోస్ట‌ర్లు ఇంట‌ర్నెట్ ని షేక్ చేశాయి. మిస్టర్ మమ్మీ పాట 'పాపాజీ పెట్ సే..'నెట్ లో దూసుకెళ్లింది. 'గర్భిణీ'రితేష్ దేశ్‌ముఖ్ పై ఎంతో ఆహ్లాదకరమైన పాట‌ను వీక్షించి అభిమానులు స‌ర్ ప్రైజ్ అయ్యారు.

రితీష్ దేశ్‌ముఖ్ -జెనీలియా దేశ్‌ముఖ్ జంట‌గా నటించ‌గా షాద్ అలీ దర్శకత్వం వహించిన మిస్ట‌ర్ మ‌మ్మీ చిత్రాన్ని టి-సిరీస్ శివ అనంత్ -షాద్ అలీ నిర్మించారు. నవంబర్ 18న థియేటర్లలో విడుదల కానుంది. మొదటి పాట 'చుప్కే చుప్కే'తో ప్రారంభించిన ప్ర‌చారం రెండవ పాట 'పాపాజీ పెట్ సే..'తో పీక్స్ కి చేరుకుంది. శ్మ‌శానంలో నిండు గ‌ర్భిణిగా రితేష్‌ వేషాలు న‌వ్వులు పూయించాయి. పోస్ట‌ర్లు పాట‌ల‌తోనే ఇంత కిక్ ఇస్తున్న ఈ సినిమా పూర్తి స్థాయిలో ఏ లెవ‌ల్లో ఎంట‌ర్ టైన్ చేస్తుందో అంటూ చ‌ర్చ న‌డిచింది. కాన్సెప్ట్ యూనిక్ గా ఉన్నాయి కాబ‌ట్టి రితేష్ .. శ‌ర్మాన్ జోషి న‌టిస్తున్న ఈ రెండు సినిమాలు పాన్ ఇండియా కేట‌గిరీలో విడుద‌ల కావ‌డం ఖాయంగా క‌నిపిస్తోంది. ఇలాంటి ప్ర‌యోగాత్మ‌క సినిమాల‌ను వీక్షించేందుకు తెలుగు ప్రేక్ష‌కులు ఇప్పుడు ఆస‌క్తిగా ఉన్నారు. ఇది ఆ ఇద్ద‌రు హీరోల‌కు క‌లిసొచ్చే అంశంగా మార‌నుంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.