అన్న‌య్య‌తో చెల్లి ఇలా షాకిచ్చిందేంటి?

ముకుపుడ‌క‌ల సుంద‌రిగా ఫేమ‌స్ అయిన సోనాక్షి సిన్హా కెరీర్ జ‌ర్నీ గురించి చెప్పాల్సిన ప‌నిలేదు. శ‌త్రుజ్ఞ సిన్హా వార‌సురాలిగా ఎంట్రీ ఇచ్చిన సోనాక్షి అటుపై అంది వ‌చ్చిన అవ‌కాశాల్ని స‌ద్వినియోగం చేసుకుంటూ స్టార్ హీరోయిన్ గా అవ‌త‌రించింది. మాస్ మ‌సాలా చిత్రాల‌తో బాలీవుడ్ బాక్సాఫీస్ వ‌ద్ద భారీ విజ‌యాలు అందుకుంటోన్న సోనాక్షి ఇటీవ‌లి కాలంలో వైవిథ్య‌మైన క‌థ‌ల‌వైపు అడుగులు వేస్తోంది.

ప్ర‌స్తుతం బాలీవుడ్ స్టార్ హీరోల స‌ర‌స‌న సినిమాలు చేస్తోంది. అవ‌కాశం వ‌చ్చిన‌ప్ప‌డ‌ల్లా ద‌క్షిణాది సినిమాల‌కు సైన్ చేస్తూ రెండు ప‌రిశ్ర‌మ‌ల్ని బ్యాలెన్స్ చేస్తుంది. తాజాగా ఈ బ్యూటీకి గురించి ఇంట్రెస్టింగ్ న్యూస్ ఒక‌టి వైర‌ల్ గా మారింది.

సోనాక్షి సోద‌రుడితో క‌లిసి ఓ సినిమాకి ప‌నిచేస్తుందిట‌. ఇందులో సోద‌రుడి ముందే సిగ్గు..బిడియం వ‌దియాల్సి వ‌స్తోందిట‌. ఇంత‌కీ ఏంటీ సోద‌రుడు-సోద‌రీమ‌ణులు క‌హానీ అంటే వివారాల్లోకి వెళ్లాల్సిందే.

ప్ర‌స్తుతం సోనాక్షి సిన్హా త‌న క‌వ‌ల‌సోద‌రుల్లో ఒక‌రైన ఖుష్ సిన్హా ద‌ర్శ‌క‌త్వంలో 'నిఖితా రాయ్ అండ్ ది బుక్ ఆఫ్ డార్క్ నెస్' అనే సినిమాలో న‌టిస్తుంది. ఖుష్ ఈ సినిమాతో బాలీవుడ్ కి ద‌ర్శ‌కుడిగా ప‌రిచ‌య‌మ‌వుతున్నాడు. ఈ సినిమాలో త‌న పాత్ర గురించి సోనాక్షి ఇలా చెప్పుకొచ్చింది. 'ఓ మంచి సినిమాకి ఖుష్-నేను క‌లిసి ప‌నిచేస్తున్నాం.

ఇద్ద‌రికి బాగా న‌చ్చిన క‌థ‌. ఖుష్ కొత్త‌వాడైన సినిమాని చ‌క్కాగా తెర‌కెక్కిస్తున్నాడు. కొత్త‌వాడు అయినా అత‌ని ప‌నిత‌నంలో ఎంతో అనుభ‌వం క‌నిపిస్తుంది. ఖుష్ మంచి ద‌ర్శ‌కుడిగా ఎదుగుతాడ‌ని' తెలిపింది. ఇక చెల్లి సోనాక్షి గురించి ఖుష్ అంతే ఆస‌క్తిక‌ర వ్యాఖ్య‌లు చేసాడు.

'సోనాక్షి మంచి న‌టి. ఆమె సినిమాలు చూస్తూ పెరిగాను. చెల్లి ప్ర‌యాణంలో ఇప్పుడు నేను కూడా భాగ‌మ‌వుతున్నందుకు సంతోషంగా ఉంద‌న్నాడు. ఆరకంగా అన్నా-చెల్లి త‌మ మ‌ధ్య ఉన్న ప్రేమానురాగాల్ని పంచుకున్నారు. ఒకరి గురించి మ‌రొక‌రు ఎంతో గొప్ప‌గా చెపుకున్ని నెట్టింట‌ నెటి జ‌నుల ప్ర‌శంస‌లందుకుంటున్నారు. ఈ సినిమాలో ప‌రేష్ రావ‌ల్ కీల‌క పాత్ర పోషిస్తున్నారు. అన్ని ప‌నులు పూర్తిచేసి 2023 లో సినిమాని ప్రేక్ష‌కుల ముందుకు తీసుకురావ‌డానికి స‌న్నాహాలు చేస్తున్నారు.