'ధమాకా' హీరోయిన్ శ్రీలీల ఏం చదువుతుందో తెలుసా?

కుర్ర హీరోయిన్ శ్రీలీల టాలీవుడ్లో ఇప్పుడిప్పుడే గుర్తింపు తెచ్చుకుంటోంది. దర్శకేంద్రుడు రాఘవేంద్రరావు కంట్లో పడిన ఈ యంగ్ బ్యూటీ 'పెళ్లిసందD'తోనే కుర్రకారు మనస్సులను కొల్లగొట్టింది. రాఘవేంద్రరావు స్టైల్ ఆఫ్ మేకింగ్ లో తెరకెక్కిన 'పెళ్లిసందD' సినిమాకు కుర్రకారంతా శ్రీలీల కోసమే వెళ్లిందంటే అతిశయోక్తి కాదేమో..!

అంతలా ఈ బ్యూటీ తొలిసినిమాతోనే ప్రేక్షకులను మెస్మరైజ్ చేసింది. తన అంద చందాలతోనే కాకుండా డాన్స్.. నటనతోనూ ఈ భామ ఆకట్టుకుంది. పెళ్లిసందడి సినిమా శ్రీలీలకు హీరోయిన్ గా టాలీవుడ్లో మంచి గుర్తింపును తీసుకొచ్చింది. ఈ సినిమా హిట్టు కావడంతో శ్రీలీలకు వరుసగా క్రేజీ ఆఫర్లు దక్కాయి. ఆమె ఖాతాలో ఇప్పటికే అరడజను సినిమాలు ఉన్నట్లు తెలుస్తోంది.

ఒకవైపు సినిమాలు చేస్తూనే మరోవైపు చదువుతున్నట్లు ఈ భామ తాజాగా వెల్లడించింది. శ్రీలీల రవితేజ కాంబినేషన్లో తెరకెక్కిన 'ధమాకా' రేపు ప్రేక్షకుల ముందుకు రాబోతుంది.

ఈ సినిమా ప్రమోషన్స్ భాగంగా రవితేజతో కలిసి శ్రీలీల పలు ఈవెంట్స్.. షోలలో పాల్గొంటుంది. తాజాగా వీరిద్దరు ఓ ఛానల్ ఇచ్చిన ఇంటర్వ్యూలో మాట్లాడుతూ తన స్టడీ గురించి శ్రీలీల వెల్లడించి అందరినీ ఆశ్చర్యపరిచింది.

తాను ప్రస్తుతం ఎంబీబీఎస్ చదువుతునే సినిమాలు చేస్తున్నట్లు చెప్పింది. సినిమాలను.. చదువును రెండింటిని బ్యాలెన్స్ చేసుకుంటున్నానని వివరించింది. తన అమ్మ కూడా డాక్టరేనని తన చదువులో ఆమె హెల్ప్ తీసుకుంటానని వెల్లడిచింది. తన అమ్మ ఎంబీబీఎస్ పూర్తయ్యాక పెళ్లి చేసుకొని పదేళ్ల తర్వాత పీజీ చేసినట్లు శ్రీలీల వెల్లడించింది

ప్రస్తుతం తన తల్లి వైద్యురాలిగా కొనసాగుతుందని శ్రీలీల చెప్పింది. ప్రస్తుతానికైతే తాను ఎంబీబీఎస్ చేస్తున్నానని ఆ తర్వాత ఏం చేయాలనేది ఇంకా డిసైడ్ చేసుకోలేదని పేర్కొంది. ప్రస్తుతం చేతినిండా సినిమాలతో ఫుల్ బీజీగా ఉన్నట్లు తెలిపింది. కాగా శ్రీలీల రవితేజ కలిసి నటించిన 'ధమాకా' రేపు ప్రేక్షకులకు రాబోతుంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.