మహేష్.. త్రివిక్రం.. మొదలు పెట్టేస్తున్నారు..!

సూపర్ స్టార్ మహేష్ త్రివిక్రం కాంబినేషన్ లో హ్యాట్రిక్ మూవీ వస్తున్న విషయం తెలిసిందే. హారిక హాసిని క్రియేషన్స్ బ్యానర్ లో రాధాకృష్ణ ఈ మూవీ భారీ బడ్జెట్ తో నిర్మిస్తున్నారు. సినిమాకు థమన్ మ్యూజిక్ అందిస్తుండగా బుట్ట బొమ్మ పూజా హెగ్దే హీరోయిన్ గా నటిస్తుంది.

రీసెంట్ గా సినిమాలో మరో హీరోయిన్ గా శ్రీలీల కూడా నటిస్తుందని కన్ ఫర్మ్ చేశారు నిర్మాత సూర్యదేవర నాగ వంశీ. మహేష్ త్రివిక్రం సినిమా మూడు నెలలు ముందు స్టార్ట్ అయినా మధ్యలో మహేష్ ఫ్యామిలీలో జరిగిన సంఘటనల వల్ల షూటింగ్ వాయిదా పడుతూ వచ్చింది.

ఇక జనవరి 18 నుంచి ఎస్.ఎస్.ఎం.బి 28 మరో షెడ్యూల్ స్టార్ట్ చేస్తున్నారు. రామ్ లక్ష్మణ్ మాస్టర్ సారధ్యంలో ఫైట్ సీక్వెన్స్ తో ఈ షెడ్యూల్ మొదలవుతుందని తెలుస్తుంది. ఈసారి లాంగ్ షెడ్యూల్ ప్లాన్ చేసిన త్రివిక్రం సినిమాలో కీలక నటీనటులు అంతా పాల్గొనేలా ప్లాన్ చేశారట. సర్కారు వారి పాట తర్వాత మహేష్ చేస్తున్న ఈ మూవీపై అంచనాలు తారాస్థాయిలో ఉన్నాయి.

త్రివిక్రం తో మహేష్ ఇప్పటికే అతడు, ఖలేజా సినిమాలు చేశారు హ్యాట్రిక్ కాంబో ఈ రెండు సినిమాలకు మించి ఉంటుందని తెలుస్తుంది. అంతకుముందు కథలో కొన్ని మార్పులను మహేష్ సూచించగా వచ్చిన ఈ గ్యాప్ ని వాడుకుని పర్ఫెక్ట్ స్క్రిప్ట్ రాసుకున్నారట త్రివిక్రం. మహేష్ కూడా మార్చిన స్క్రిప్ట్ నచ్చేసిందని తెలుస్తుంది. ఈ హ్యాట్రిక్ మూవీతో నెవర్ బిఫోర్ రికార్డ్ కొట్టాలని చూస్తున్నారు మహేష్ త్రివిక్రం.

ఈ సినిమా తర్వాత మహేష్ రాజమౌళి డైరెక్షన్ లో సినిమా చేస్తారని తెలిసిందే. ఆర్.ఆర్.ఆర్ తో ఇంటర్నేషనల్ లెవల్లో సూపర్ క్రేజ్ తెచ్చుకున్న రాజమౌళి మహేష్ తో చేసే సినిమా హాలీవుడ్ సినిమా రేంజ్ లో తెరకెక్కిస్తాడని చెప్పొచ్చు. ఆ సినిమా కోసం సూపర్ స్టార్ ఫ్యాన్స్ ఎంతో ఎగ్జైటింగ్ గా ఎదురుచూస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.