పిక్ టాక్‌ : సుగుణ సుందరితో రొమాంటిక్ మూడ్ లో వీరసింహారెడ్డి

నందమూరి బాలకృష్ణ హీరోగా గోపీచంద్ మలినేని దర్శకత్వంలో రూపొందిన వీర సింహారెడ్డి సినిమా ఈ సంక్రాంతికి ప్రేక్షకుల ముందుకు రాబోతున్న విషయం తెల్సిందే. సినిమా విడుదలకు సరిగ్గా నెల రోజుల సమయం ఉన్న నేపథ్యంలో భారీ ఎత్తున పబ్లిసిటీ చేసేందుకు మేకర్స్ ప్లాన్ చేస్తున్నారు. అందులో భాగంగా ఈనెల 15న రెండో పాట విడుదలకు సిద్ధం చేశారు.

సుగుణ సుందరి.. అంటూ సాగే డ్యూయెట్‌ ను ప్రేక్షకుల ముందుకు తీసుకు రాబోతున్నట్లుగా ప్రకటించారు. బాలయ్య మరియు శృతి హాసన్‌ కాంబోలో ఈ పాట ఉంటుంది. హీరోయిన్ గా శృతి హాసన్ ఈ సినిమాలో నటించింది. ఇప్పటి వరకు ఆమెకు సంబంధించిన పోస్టర్స్ మరియు వీడియోలు రాలేదు. మొదటి సారి ఆమె నటించిన పాట లిరికల్‌ వీడియో విడుదల కాబోతున్న నేపథ్యంలో అందరిలో ఆసక్తి నెలకొంది.

మొదటి పాట బాలయ్య.. కు మాస్ ఆడియన్స్ నుండి మంచి రెస్పాన్స్ దక్కింది. అందుకే ఈ పాట కూడా తప్పకుండా బాగుంటుందనే నమ్మకంను చాలా మంది వ్యక్తం చేస్తున్నారు. సోషల్‌ మీడియాలో ఈ పాట గురించి పెద్ద ఎత్తున చర్చ జరుగుతోంది.

థమన్ సంగీతాన్ని అందించిన ఈ పాట లో బాలయ్య మాస్‌ స్టెప్స్‌ కు ఫ్యాన్స్ ఫిదా అవుతారనే టాక్‌ వినిపిస్తుంది. పాటకు సంబంధించిన పోస్టర్ ను విడుదల చేశారు. హీరోయిన్ శృతి హాసన్ మరియు బాలయ్య లు రొమాంటిక్ లుక్ లో ఆకట్టుకునే విధంగా ఉన్నారు. వీరిద్దరి జోడీ కచ్చితంగా బిగ్ స్క్రీన్‌ పై ఆడియన్స్ ను ఆకట్టుకునేలా ఉంది.

వీరసింహారెడ్డి సినిమాలో ప్రధాన ఆకర్షణగా దునియా విజయ్ మరియు తమిళ లేడీ స్టార్‌ వరలక్ష్మి శరత్‌ కుమార్ పాత్రలు ఉంటాయని టాక్‌. బాలయ్య పవర్‌ ఫుల్‌ రోల్ లో కనిపించబోతున్నాడు. అఖండ సినిమా తర్వాత వస్తున్న సినిమా అవ్వడం వల్ల సహజంగానే అంచనాలు భారీగా ఉన్నాయి.

అంచనాలకు తగ్గట్లుగా ఈ సినిమా ఉంటుందనే నమ్మకంను గోపీచంద్ మలినేని చెబుతున్నాడు. ఈ సుగుణ సుందరి పాట సినిమా స్థాయిని మరింతగా పెంచుతుందా అనేది చూడాలి. డిసెంబర్ 15వ తారీకు ఈ పాటను ప్రేక్షకుల ముందుకు తీసుకు రాబోతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.