స్వాతిముత్యం బిజినెస్.. టార్గెట్ చిన్నదే కానీ..

ప్రముఖ నిర్మాతగా తెలుగు చిత్ర పరిశ్రమంలో మొదట్లో బాక్సాఫీస్ వద్ద మంచి విజయాలను సొంతం చేసుకున్న నిర్మాత బెల్లంకొండ సురేష్ బాబు ఇప్పుడు మాత్రం పూర్తిస్థాయిలో తన బ్యానర్లో సినిమాలను నిర్మించడం లేదు కానీ వారి కొడుకులను హీరోలుగా చేసి బ్యాక్ ఎండ్ లో జాగ్రత్తలు తీసుకుంటున్నారు. ఇక ప్రస్తుతం పెద్దబ్బాయి బెల్లంకొండ సాయి శ్రీనివాస్ చత్రపతితో రీమేక్ తో హిందీలో బిజీగా ఉన్న విషయం తెలిసిందే.

ఇక ఎప్పటినుంచో వెండితెరపై ఎంట్రీ ఇవ్వాలని చూస్తున్న చిన్నబ్బాయి బెల్లంకొండ గణేష్ బాబు మొత్తానికి స్వాతిముత్యం సినిమాతో రాబోతున్నాడు. ఈ సినిమాకు లక్ష్మణ్ దర్శకత్వం వహించగా సితార ఎంటర్టైన్మెంట్స్ లో నాగ వంశీ నిర్మించారు. ఇక వర్షా భోల్లమ్మ హీరోయిన్ గా నటించగా మంచి కామెడీ పాత్రలో వెన్నెల కిషోర్ నటించారు.

డీసెంట్ ఫ్యామిలీ లవ్ స్టోరీ గా తెరకెక్కిన ఈ సినిమా అక్టోబర్ 5వ తేదీన రెండు పెద్ద సినిమాలకు పోటీగా విడుదలవుతుండడం విశేషం. ఒకవైపు మెగాస్టార్ చిరంజీవి గాడ్ ఫాదర్ మరొకవైపు నాగార్జున ది గోస్ట్ రెండు సినిమాలు కూడా ఎంతో కొంత హైప్ అయితే క్రియేట్ చేసుకున్నాయి.

వాటికి ఎక్కువ థియేటర్లు కూడా దక్కాయి. ఇక స్వాతిముత్యం సినిమా మాత్రం లిమిటెడ్ థియేటర్లలో విడుదలవుతుంది. ఈ సినిమాకు పాజిటివ్ టాక్ వస్తే గాని మొదటి వారం కూడా ఓపెనింగ్స్ రావడం కష్టమే. ట్రైలర్ అయితే పర్వాలేదు అని విధంగా ఉంది. కానీ అది ప్రేక్షకులకు థియేటర్ల వరకు రప్పిస్తుందా లేదా అనేది విడుదల రోజు తెలుస్తుంది.

ఇక ఈ సినిమా థియేట్రికల్ హక్కులు అయితే 3.7 కోట్లకు అమ్ముడైనట్లు సమాచారం. అంటే బాక్స్ ఆఫీస్ వద్ద ఈ సినిమా 4 కోట్లు షేర్ కలెక్షన్స్ అందుకుంటేనే సక్సెస్ అయినట్లు లెక్క.

పెద్దగా అంచనాలు అయితే లేవు కానీ ఈ సినిమాలో కంటెంట్ మాత్రం అందరికీ కనెక్ట్ అయ్యే విధంగా ఉంటుంది అని ముఖ్యంగా ఫ్యామిలీ ఆడియన్స్ కూడా ఎంతో హ్యాపీగా ఈ సినిమాను చూసి నవ్వుకుంటారు అని చిత్ర యూనిట్ నమ్మకంగా ఉంది. మరి సినిమా బాక్స్ ఆఫీస్ వద్ద అనుకున్న టార్గెట్ ను ఎన్ని రోజులలో ఫినిష్ చేస్తుందో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.