ప‌ద్నాలుగేళ్ల విరామం త‌రువాత విజ‌య్ వ‌ర‌ల్డ్ లోకి!

త‌మిళ స్టార్ హీరో విజ‌య్ ప్ర‌స్తుతం న‌టిస్తున్న లేటెస్ట్ త‌మిళ మూవీ 'వారీసు'. టాలీవుడ్ డైరెక్ట‌ర్‌ వంశీ పైడిప‌ల్లి డైరెక్ష‌న్ లో స్టార్ ప్రొడ్యూస‌ర్ దిల్ రాజు ఈ మూవీని నిర్మిస్తున్నారు. నేష‌న‌ల్ క్ర‌ష్ ర‌ష్మిక మంద‌న్న హీరోయిన్ గా న‌టిస్తున్న ఈ మూవీని తెలుగులో 'వార‌సుడు'గా విడుద‌ల చేయ‌నున్న విష‌యం తెలిసిందే. ప్ర‌స్తుతం ఫైన‌ల్ స్టేజ్ కి చేరుకున్న ఈ మూవీని సంక్రాంతికి రిలీజ్ చేయ‌బోతున్నారు. ఈ సంద‌ర్భంగా ఈ మూవీ రిలీజ్ విష‌యంలో త‌మిళ‌, తెలుగు ప్రొడ్యూస‌ర్స్ మ‌ధ్య వివాదం న‌డుస్తున్న విష‌యం తెలిసిందే.

ఇదిలా వుంటే విజ‌య్ ఈ మూవీ త‌రువాత త‌న 67వ ప్రాజెక్ట్ ని సెట్స్ పైకి తీసుకెళ్ల‌బోతున్నారు. ఈ మూవీని రీసెంట్ గా 'విక్ర‌మ్‌' మూవీతో సంచ‌ల‌నం సృష్టించిన యంగ్ అండ్ టాలెంటెడ్ లోకేష్ క‌న‌గ‌రాజ్ అత్యంత భారీ స్థాయిలో తెర‌కెక్కించ‌బోతున్నారు. గ‌తంలో వీరిద్ద‌రి క‌ల‌యిక‌లో 'మాస్ట‌ర్‌' మూవీ రూపొందిన విష‌యం తెలిసిందే. ఈ మూవీలో విజ‌య్ క్యారెక్ట‌ర్ కు హీరోయిన్ లేకుండా త‌న‌ని ఓ డ్రింక‌ర్ గా చూపించిన లోకేష్ క‌న‌గ‌రాజ్ ఈ మూవీని బ్లాక్ బ‌స్ట‌ర్ హిట్ గా నిలిపి సంచ‌ల‌నం సృష్టించాడు.

ఈ మూవీ త‌రువాత మ‌ళ్లీ విజ‌య్ తో క‌లిసి మ‌రో భారీ సినిమాకు శ్రీ‌కారం చుట్ట‌బోతున్నాడు. ఈ మూవీలోని కీల‌క పాత్ర కోసం ఇప్ప‌టికే బాలీవుడ్ స్టార్ సంజ‌య్ త‌ద్ ని ద‌ర్శ‌కుడు లోకేష్ క‌న‌గ‌రాజ్ ఎంపిక చేసుకున్నాడ‌ని, ఇక హీరోయిన్ గా విజ‌య్ కి జోడీగా త్రిష‌ని ఫైన‌ల్ చేసిన‌ట్టుగా వార్త‌లు వినిపిస్తున్నాయి.

విజ‌య్ తో త్రిష ఇంత వ‌ర‌కు గిల్లి, తిరుపాచ్చి, ఆది, కురువి వంటి సినిమాల్లో న‌టించింది. దాదాపు ప‌ద్నాలుగేళ్ల విరామం త‌రువాత మ‌ళ్లీ విజ‌య్‌, త్రిష క‌లిసి ఈ మూవీలో న‌టించ‌బోతున్నార‌ని చెబుతున్నారు.

అంతే కాకుండా ఈ మూవీలోని కీల‌క పాత్ర‌ల్లో గౌత‌మ్ మీన‌న్‌, మిస్కిన్ లు న‌టించ‌నున్నార‌ని, క‌మ‌ల్ హాస‌న్ కూడా ఓ చిన్న పాత్ర‌లో క‌నిపించే అవ‌కాశం వుంద‌ని తెలుస్తోంది. క‌మల్ ని ఈ ప్రాజెక్ట్ లో లోకేష్ క‌న‌గ‌రాజ్ ఇన్ వాల్వ్ చేయ‌డం వెన‌క ఆస‌క్తిక‌ర‌మైన స్టోరీ వుంద‌ని, ఈ మూవీని లోకేష్ క‌న‌గ‌రాజ్ సినిమాటిక్ యూనివ‌ర్స్ నేప‌థ్యంలో 'మాస్ట‌ర్‌' మూవీకి ప్రీక్వెల్ గా చేయ‌బోతున్నాడ‌ని కోలీవుడ్ లో వినిపిస్తోంది.

'విక్ర‌మ్‌'లో కార్తి న‌టించిన 'ఖైదీ'ని చూపించి రెండు క‌థ‌ల‌ను లింక‌ప్ చేసిన లోకేష్ క‌న‌గ‌రాజ్ 'మాస్ట‌ర్‌' క‌థ‌కు విజ‌య్ 67ను లింక‌ప్ చేయ‌డ‌మే కాకుండా ఈ క‌థ‌లో 'విక్ర‌మ్‌'ని కూడా చూపించ‌బోతున్నాడ‌ని, అందులో భాగంగానే క‌మ‌ల్ చేత గెస్ట్ రోల్ వేయించ‌బోతున్నాడ‌ని వార్త‌లు వినిపిస్తున్నాయి. ఈ మూవీని డిసెంబ‌ర్ ఎండింగ్ లో ప్రారంభించాల‌ని, వ‌చ్చే ఏడాది దీపావ‌ళికి రిలీజ్ చేయాల‌ని ద‌ర్శ‌కుడు లోకేష్ క‌న‌గ‌రాజ్ ప్లాన్ చేస్తున్నార‌ట‌.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.