ఫొటో స్టోరీ : మాస్ మూల‌విరాట్..పూన‌కాలు లోడింగ్‌!

మెగాస్టార్ చిరంజీవి న‌టిస్తున్న లేటెస్ట్ మాసీవ్ యాక్ష‌న్ ఎంట‌ర్ టైన‌ర్ 'వాల్తేరు వీర‌య్య‌'. చాలా రోజుల త‌రువాత చిరు 'ముఠామేస్త్రీ' నా టి వింటేజ్ లుక్ లో క‌నిపిస్తుండ‌టం..మాస్ మూల‌విరాట్ లా స‌రికొత్త మేకోవ‌ర్ తో ఫ్యాన్స్ కి పూన‌కాలు తెప్పించే పాత్ర‌లో న‌టించ‌డంతో ఈ మూవీపై స‌హ‌జంగానే భారీ అంచనాలు నెల‌కొన్నాయి. బాబి ద‌ర్శ‌క‌త్వం వ‌హిస్తున్న ఈ మూవీని స్టార్ ప్రొడ‌క్ష‌న్ కంప‌నీ మైత్రీ మూవీ మేక‌ర్స్ వారు అత్యంత ప్ర‌తిష్టాత్మ‌కంగా నిర్మిస్తున్నారు.

శృతిహాస‌న్ హీరోయిన్ గా చిరుకు జోడీ క‌డుతున్న ఈ సినిమాలో మాస్ మ‌హారాజా ర‌వితేజ కీల‌క అతిథి పాత్ర‌లో క‌నిపించి ర‌చ్చ చేయ‌బోతున్నాడు. ఇప్ప‌టికే భారీ అంచ‌నాలు నెల‌కొన్న ఈ మూవీని సంక్రాంతి కానుక‌గా జ‌న‌వ‌రి 13న భారీ స్థాయిలో రిలీజ్ చేస్తున్నారు. మూవీ రిలీజ్ కు టైమ్ ద‌గ్గ‌ర‌ప‌డుతున్న నేప‌థ్యంలో ప్రీ రిలీజ్ ఈవెంట్ ని వైజాగ్ ఆర్కే బీచ్ లో భారీ స్థాయిలో ప్లాన్ చేశారు. ఇందుకు సంబంధించిన ఏర్పాట్లు కూడా చ‌క చ‌కా జ‌రిగిపోతున్నాయి.

ఇదిలా వుంటే శనివారం సాయంత్రం 6:03 నిమిషాల‌కు 'వాల్తేరు వీర‌య్య‌' ట్రైల‌ర్ ని రిలీజ్ చేస్తున్నారు. ఈ సంద‌ర్భంగా 'మాస్ మూల‌విరాట్' అంటూ మేక‌ర్స్ రిలీజ్ చేసిన పోస్ట‌ర్ నెట్టింట వైర‌ల్ గా మారింది. స‌ముద్ర‌పు అల‌ల‌పై ప‌య‌నిస్తున్న బోట్ అంచున నిల‌బ‌డి చేతిలో బ‌రిసె ధ‌రించి మాస్ మూల‌విరాట్ అవ‌తారంలో చిరు క‌నిపిస్తున్న తీరు ఫ్యాన్స్ కి పూన‌కాలు తెప్పిస్తోంది. ఇంటెన్స్ అవ‌తార్ లో ఊర మాస్ గా చిరు క‌నిపిస్తున్న తీరు హైలైట్ గా మారింది.

ఇప్ప‌టికే 'పూన‌కాలు లోడింగ్' సాంగ్ లో చిరు,ర‌వితేజ ఓ రేంజ్ లో ర‌చ్చ చేశారు. ఇక ట్రైల‌ర్ లో వీరి హంగామా ఏ స్థాయిలో వుంటుందా? అని ఫ్యాన్స్ ట్రైల‌ర్ కోసం ఆశ‌గా ఎదురు చూస్తున్నారు. సినిమాలో చిరు, ర‌వితేజ స‌వ‌తి త‌ల‌ల్ఇ సోద‌రులుగా క‌నిపించ‌నున్న విష‌యం తెలిసిందే.

అయితే ఈ ఇద్ద‌రి మ‌ధ్య వ‌చ్చే స‌న్నివేశాలు ఎలా వుండ‌బోతున్నాయి? .. థియేట‌ర్ల‌లో వీరి కాంబినేష‌న్ ఏ రేంజ్ లో ర‌చ్చ చేయ‌బోతోంద‌న్న‌ది ట్రైల‌ర్ తో ఫ్యాన్స్ కు ఫుల్ క్లారిటీ రానుంద‌ట‌.

ఆ కార‌ణంగానే మెగా, మాస్ రాజా ఫ్యాన్స్ 'వాల్తేరు వీర‌య్య‌' ట్రైల‌ర్ తో పాటు చిరు మాస్ మూల‌విరాట్ అవ‌తారం కోసం ఆస‌క్తిగా ఎదురు చూస్తున్నారు. దేవి శ్రీ‌ప్ర‌సాద్ సంగీతం అందించిన ఈ మూవీలో కేథ‌రిన్ కూడా ఓ కీల‌క పాత్ర‌లో న‌టించింది. త‌న‌కు సంబంధించిన లుక్ ని ఇంత వ‌ర‌కు మేక‌ర్స్ రివీల్ చేయ‌క‌పోవ‌డం గ‌మ‌నార్హం. ట్రైల‌ర్ లో అయినా కేథ‌రిన్ కు చోటిచ్చారో లేదో వేచి చూడాల్సిందే. ఇదిలా వుంటే ఈ మూవీ ప్రీ రిలీజ్ ఈవెంట్ ని ముందు వైజాగ్ ఆర్కే బీచ్ లో ప్లాన్ చేశారు. ఆ త‌రువాత ఆంధ్రా యూనివర్సిటీ ఇంజ‌నీరింగ్ కాలేజీ గ్రౌండ్ కి మార్చేశారు. అయితే చివ‌రి నిమిషంలో మ‌ళ్లీ వైజాగ్ ఆర్కే బీచ్ ప‌క్క‌న గ్రౌండ్ కే మారిన‌ట్టుగా తెలిసింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.