మెగా అక్కినేనితో మంచు విష్ణు ఫైట్..?

మంచు మోహన్ బాబు పెద్ద కుమారుడు మంచు విష్ణు బాక్స్ ఆఫీస్ వద్ద సరైన సక్సెస్ కోసం చాలా కాలంగా కష్టపడుతూనే ఉన్నాడు. నిర్మాతగా కూడా కొన్ని ప్రయోగాలు చేసినప్పటికీ పెద్దగా సక్సెస్ అందుకోలేకపోయాడు. ఇక ప్రస్తుతం అతని ఫోకస్ ఎక్కువగా జిన్నా అనే సినిమా పైనే ఉంది. మాస్ కమర్షియల్ కామెడీ మూవీ గా తెరపైకి రాబోతున్న ఈ సినిమాపై మంచి విష్ణు గట్టి నమ్మకమే పెట్టుకున్నట్లు అర్థమవుతుంది.

ఈ సినిమాను కూడా విష్ణు సొంత బ్యానర్ లోనే నిర్మిస్తున్నాడు. మొదట తెలుగు తమిళ్ మళయాళం హిందీలో విడుదల చేయనున్నట్లు కొన్ని పోస్టర్లతో బజ్ బాగానే క్రియేట్ చేశారు. అలాగే మరోవైపు ఈ సినిమాలో మేయిన్ హీరోయిన్ గా పాయల్ రాజ్ పూత్ నటిస్తుండగా సన్నీ లియోన్ మరొక ముఖ్యమైన పాత్రలో కనిపించనుంది. ఇక ఈ సినిమాకు సంబంధించిన ఫస్ట్ లుక్ టీజర్ కూడా ఇటీవల విడుదల చేసిన విషయం తెలిసిందే.

రెగ్యులర్ ప్రమోషన్స్ కూడా మొదలుపెట్టాలని అనుకుంటున్నారు. ఇక విడుదల తేదీ విషయంలో కూడా ఇటీవల నిర్ణయానికి వచ్చినట్లు సమాచారం. సినిమాను దసరా సమయంలోనే విడుదల చేయాలని అనుకుంటున్నారట.

అయితే అదే సమయంలో మెగాస్టార్ చిరంజీవి నటించిన గాడ్ ఫాదర్ సినిమాతో పాటు అక్కినేని నాగార్జున ఘోస్ట్ సినిమా కూడా విడుదల కాబోతోంది. ఈ రెండు సినిమాలో ఫైన కూడా పెద్దగా అంచనాలు అయితే లేవు. ఈ క్రమంలో మంచు విష్ణు జిన్నా సినిమాతో పోటీపడేందుకు సిద్ధమవుతున్నాడు.

దసరా టైంలో హాలిడేస్ ఉంటాయి కాబట్టి తప్పకుండా ఎలాంటి సినిమా విడుదలైన కూడా మినిమం కలెక్షన్స్ అందుతాయి అని ఆ సమయంలో సినిమాలను విడుదల చేస్తూ ఉంటారు. అదే తరహాలో ఆలోచించి మంచు విష్ణు, అక్కినేని నాగార్జున, మెగాస్టార్ చిరంజీవి వారి సినిమాలను విడుదల చేసేందుకు సిద్ధమవుతున్నారు.

అయితే ఇటీవల కాలంలో మాత్రం ఎంత పెద్ద సినిమా అయినా.. ఎంతో పెద్ద స్టార్ హీరో అయినా సరే కంటెంట్ బలంగా చూపించగలిగితేనే ఆడియెన్స్ థియేటర్స్ వరకు వస్తున్నారు. మరి ఈ దసరా ఫెస్టివల్ లో ఏ హీరో పర్ఫెక్ట్ కంటెంట్ తో ఆకట్టుకుంటాడో చూడాలి.