వీడియోః 'ఉప్పెన'లో ఇది ఉంటే ఇంకా బాగుండేది

ఈ ఏడాదిలో బిగ్గెస్ట్‌ సక్సెస్ చిత్రంగా నిలిచింది ఉప్పెన. కరోనా తర్వాత ఇండియా మొత్తం మీద ఇప్పటి వరకు విడుదల అయిన సినిమాల్లో ఉప్పెన సినిమా నెం.1 సక్సెస్ ను అందుకున్న విషయం తెల్సిందే. కరోనా తర్వాత వంద కోట్లు వసూళ్లు చేసిన సినిమా ఉప్పెన కాకుండా ఇప్పటి మరే భాషలో కూడా రాలేదు. అందుకే ఉప్పెన చాలా స్పెషల్‌ అనడంలో సందేహం లేదు. మొన్నటి వరకు థియేటర్‌ లో సందడి చేసిన ఉప్పెన సినిమా ను ఇప్పుడు యూట్యూబ్‌ లో సందడి చేయిస్తున్నారు. దర్శకుడు బుచ్చి బాబు మరియు నిర్మాణ సంస్థ మైత్రి వారి అఫిషియల్‌ యూట్యూబ్‌ ఛానెల్స్ లో ఉప్పెన డిలీటెడ్ సీన్స్ అంటూ వీడియోలు పోస్ట్‌ చేస్తున్నారు.

మైత్రి మూవీ మేకర్స్‌ అఫిషియల్‌ యూట్యూబ్‌ ఛానెల్‌ లో ఉప్పెన డిలీటెడ్‌ సీన్‌ 3 అంటూ పోస్ట్‌ చేసిన వీడియోలో వైష్ణవ్ తేజ్ మాస్ డాన్స్ అందరి దృష్టిని ఆకర్షిస్తుంది. జీబు గారు సుందరమ్మ సాంగ్‌ లో ఆశి మరియు తాలింపులు వేసిన మాస్‌ స్టెప్పులు ఆకట్టుకున్నాయి. రీ రికార్డింగ్‌ చేయకున్నా కూడా ఈ వీడియో లోని తేజ్ మాస్‌ స్టెప్పులు ఆకట్టుకుంటున్నాయి. ఈ బిట్‌ సాంగ్ ను సినిమాలో ఉంచితే బాగుండేది అంటూ నెటిజన్స్ కామెంట్స్ చేస్తున్నారు. ఇప్పటి వరకు వచ్చిన ప్రతి ఒక్క డిలీటెడ్‌ సీన్‌ కూడా చాలా బాగున్నాయి. ఈ సీన్స్ అన్ని కూడా ఉంటే సినిమా ఇంకా బాగుండేది అంటూ అభిప్రాయం వ్యక్తం చేస్తున్నారు.