'ఉప్పెన' డైరెక్ట‌ర్ కు లైన్ క్లియ‌ర్ అయిన‌ట్టేనా?

పంజా వెష్ణ‌వ్ తేజ్ హీరోగా ప‌రిచ‌యమైన మూవీ `ఉప్పెన‌`. మైత్రీ మూవీమేక‌ర్స్, సుకుమార్ రైటింగ్స్ బ్యాన‌ర్ లు సంయుక్తంగా నిర్మించిన ఈ మూవీ బాక్సాఫీస్ వ‌ద్ద సంచ‌ల‌న విజ‌యాన్ని సొంతం చేసుకుంది. ఈ మూవీ ద్వారా స్టార్ డైరెక్ట‌ర్ సుకుమార్ శిష్యుడు బుచ్చిబాబు సాన ద‌ర్శ‌కుడిగా ప‌రిచ‌య‌మైన విష‌యం తెలిసిందే. తొలి చిత్రంతో రూ. 100 కోట్ల క్ల‌బ్ లో చేరి స‌రికొత్త రికార్డుని సొంతం చేసుకున్న బుచ్చిబాబు ప‌రిశ్ర‌మ వ‌ర్గాల దృష్టిని ఆక‌ర్షించాడు.

ఇదే స‌మ‌యంలో మైత్రీ సంస్థ ఈ ద‌ర్శ‌కుడితో మ‌రో సినిమాకు అగ్రిమెంట్ చేయించుకోవ‌డం విశేషం. ఇదిలా వుంటే ఈ మూవీ త‌రువాత బుచ్చిబాబు స్టార్ హీరో యంగ్ టైగ‌ర్ ఎన్టీఆర్ తో ఓ భారీ స్పోర్ట్స్ డ్రామాని శ్రీ‌కాకుళం నేప‌థ్యంలో తెర‌కెక్కించాల‌ని ప్లాన్ చేశాడు. `పెద్ది` పేరుతో అత్యంత భారీ స్థాయిలో ఈ మూవీని ప్లాన్ చేశాడు. ఎన్టీఆర్ కు క‌థ కూడా వినిపించాడు. అయితే వ‌రుస ప్రాజెక్ట్ ల కార‌ణంగా ఎన్టీఆర్ ఈ మూవీకి గ్రీన్ సిగ్న‌ల్ ఇవ్వ‌ని విష‌యం తెలిసిందే.

గ‌త ఏడాది కాలంగా ఇదే స్క్రిప్ట్‌ పై వ‌ర్క్ చేస్తూ వ‌చ్చిన బుచ్చిబాబు ఫైన‌ల్ గా పూర్తి స్క్రిప్ట్ ని ఇటీవ‌ల యంగ్ టైగ‌ర్ ఎన్టీఆర్ కు వినిపించాడ‌ట‌. రీసెంట్ గా ఫైన‌ల్ డ్రాఫ్ట్ ని ఫినిష్ చేసిన ద‌ర్శ‌కుడు బుచ్చిబాబు ఫుల్ బౌండ్ స్క్రిప్ట్ తో ఎన్టీఆర్ ని క‌లిసి పూర్తి స్థాయిలో న‌రేట్ చేశాడ‌ట‌. ఫైన‌ల్ డ్రాఫ్ట్‌, బుచ్చిబాబు న‌రేష‌న్ న‌చ్చ‌డంతో ఫైన‌ల్ గా ఎన్టీఆర్ ఈ ప్రాజెక్ట్ కి గ్రీన్ సిగ్న‌ల్ ఇచ్చిన‌ట్టుగా వార్త‌లు వినిపిస్తున్నాయి. ఇటీవ‌ల ద‌ర్శ‌కుడు, బుచ్చిబాబు గురువు సుకుమార్ కూడా ప‌లు సూచ‌న‌లు చేశార‌ట‌.

ఆయ‌న సూచ‌న‌లు, స‌ల‌హాలు స్వీక‌రించిన బుచ్చిబాబు .. ఎన్టీఆర్ ని ఒప్పించే త‌ర‌హాలో మార్పులు చేర్పులు చేసి ఫైన‌ల్ డ్రాప్ట్ ని పూర్తి చేశాడ‌ట‌. ఆ మార్పులు ఎన్టీఆర్ కు న‌చ్చాయ‌ని, వెంట‌నే సినిమా చేయ‌డానికి త‌న‌కు ఎలాంటి అభ్యంత‌రం లేద‌ని చెప్పార‌ని తెలిసింది. త్వ‌ర‌లో ఎన్టీఆర్ స్టార్ డైరెక్ట‌ర్ కొర‌టాల శివ డైరెక్ష‌న్ లో త‌న 30వ ప్రాజెక్ట్ ని చేయ‌బోతున్నారు.

ఈ మూవీకి సంబంధించిన మూడు షెడ్యూల్స్ పూర్త‌యిన త‌రువాత బుచ్చిబాబు సినిమాని ప‌ట్టాలెక్కిస్తార‌ట‌. ఈ రెండు సినిమాల త‌రువాతే అంటే 2023 మిడాఫ్ లో ప్ర‌శాంత్ నీల్ మూవీని స్టార్ట్ చేస్తాడ‌ట‌. అంతే కాకుండా కొర‌టాల శివ‌, బుచ్చిబాబు సినిమాల‌ని 2023, 2024 లో బ్యాక్ టు బ్యాక్ రిలీజ్ చేయాల‌ని ఎన్టీఆర్ ప్లాన్ చేసుకుంటున్నాడ‌ని తెలిసింది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.