ఉప్పెన హీరో 04 సినిమా ఇంట్రెస్టింగ్‌ అప్‌డేట్‌

ఉప్పెన సినిమాతో హీరో గా మెగా ఫ్యామిలీ నుండి ఎంట్రీ ఇచ్చిన వైష్ణవ్ తేజ్‌ ఆ తర్వాత చేసిన కొండపొలం మరియు రంగరంగ వైభవంగా సినిమాలు నిరాశ పరిచాయి. వైష్ణవ్ తేజ్ 04వ సినిమాని సైలెంట్ గా పూర్తి చేస్తున్నారు. ఒక్క షెడ్యూల్ మినహా మొత్తం షూటింగ్‌ ని ముగించినట్లుగా సమాచారం అందుతోంది.

ఈ సినిమాకు ప్రముఖ తమిళ సంగీత దర్శకుడు జీవీ ప్రకాష్ కుమార్‌ స్వరాలు సమకూర్చుతున్నాడు. చిత్ర యూనిట్‌ సభ్యులు ఈ విషయాన్ని అధికారికంగా ప్రకటించారు. ఇటీవల సర్ సినిమా కి సంగీతాన్ని అందించిన ఈ సంగీత దర్శకుడు మంచి మార్కులు దక్కించుకున్నాడు. ఇప్పుడు పంజా వైష్ణవ్ తేజ్ సినిమా కు సంగీతం ను అందిస్తున్నాడు.

వైష్ణవ్‌ తేజ్ 04వ సినిమాలో హీరోయిన్ గా శ్రీలీల హీరోయిన్‌ గా నటిస్తోంది. ఇద్దరి మధ్య రొమాన్స్ సన్నివేశాలు సినిమా కు ప్రత్యేక ఆకర్షణగా ఉంటాయి అంటూ యూనిట్‌ సభ్యులు చెబుతున్నారు. సితార ఎంటర్‌ టైన్‌మెంట్స్ బ్యానర్ లో ఈ సినిమా రూపొందుతోంది. శ్రీకాంత్‌ రెడ్డి దర్శకుడిగా పరిచయం కాబోతున్నాడు.

రాయలసీమ ఫ్యాక్షన్‌ బ్యాక్ డ్రాప్‌ లో రూపొందిన ఈ సినిమాకు ఆది కేశవ లేదా ముక్కంటి అనే టైటిల్స్ ను పరిశీలిస్తున్నారట. అతి త్వరలోనే ఆ రెండు టైటిల్స్ లో ఒక టైటిల్‌ ను అధికారికంగా ప్రకటించే అవకాశాలు ఉన్నాయి. ఉప్పెన తర్వాత ఆ స్థాయి సక్సెస్ లను దక్కించు కోలేక పోయిన వైష్ణవ్‌ తేజ్ కి ఈ సినిమా ఆ స్థాయి విజయాన్ని అందిస్తుందనే నమ్మకం వ్యక్తం అవుతోంది. ఈ సినిమా నిర్మాణ భాగస్వామిగా త్రివిక్రమ్‌ భార్య సౌజన్య కూడా వ్యవహరిస్తున్నారు.